شبكة حصاة قحطان
عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدى
سنتشرف بتسجيلك
شكرا

ادارة المنتدى


لقبائل ال عليان والجحادر وقحطان
 
الرئيسيةبحـثالتسجيلدخول

شاطر | 
 

 شخصية (عاصي الشعراء)شخصيه لا نستطيع وصفها بعدة كلمات

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
فهد سعيد ال سبعي
باحث تاريخي
باحث تاريخي
avatar

الدولة : السعودية
تاريخ التسجيل : 25/01/2012
عدد المساهمات : 141

مُساهمةموضوع: شخصية (عاصي الشعراء)شخصيه لا نستطيع وصفها بعدة كلمات   الأربعاء نوفمبر 30, 2016 1:03 am

السلام عليكم ورحمة الله وبركاته
لفت نظري بعد أن كنت زائرأتصفح هذه الكلمات الرنانه والقصيده الجزله من
{{عبدالعزيزبن مذكر ال كزمان ال كناد القحطاني}} حيث قال
أضرب تحية وإجلال لقوم انت منهم شخصية {عاصي الشعراء}
كنا نجهل عنها الكثير وما أن قرأنا بعض من قصائدك حتى أيقنا
بأن خلف هذه الشخصية (شخصية ) لا نستطيع وصفها بعده كلمات
ولكن الذي أحب أن أقوله هنا وفي هذا المنبريعجبني فيك روح البساطة و حسن الظن بالإخرين وشدنا فيك
الروح القتالية ، والاخلاص ، والتفاني لقبيلتك قبيلة {{قحطان العريقهْ}}
  {{ رد على / قصيدة هذا ولد مذكر  }}
يالله يامـكـرم كـريمٍ ليا جاد=انك تـيسـرلي بيـوت جزيله   
قحطان يجمعنا وحنا له افـراد=ومن راح ياتي في المهمه بديله
وربع الجحادر هم درع وسناد=مثل الجبال  الشامخات  الظليله
والمدح يزهابه عريبين الاجداد=روس الجحادرمحتمين الدبيله
بعيال صالح يفتخر كل قصاد=اهل الفعول الوافيه والاصيله
رجالٍ لهم في قمة المجد مصعاد=وفزعاتهم  تبري الكبود العليله
خيالة الجدعا  يضدون الاضداد= آلاد صالح كـاسـبين الـنفيـله
 عدوهم يلقى الـمذله والانكاد=وقصيرهم ضل المعزه مقيله
وفعولهم ماتحتاج نشدات نشاد=ومتونهم حمل المراجل تشيله
 
وفيهم صبي دايم بالوفاء ساد=العاصي اسمه مثل برق المخيله
 عبدالله بن فراج كساب الامجاد=اسم  تفاخر به رجال القبيله
نجم ونوره ساطعٍ في السماء باد=والعز ماهو قسم نفس بخيله   
يستاهل التمجيد والمدح ويزاد=ذاك الحصان الي ينومس صهيله
حر لامنه شهر مخلبه صاد=صيده سمين ولايصيد الهزيله
يستاهل التقدير وفعله به يشاد= ونرفع له البيضاء براس الطويله
حر تعلى للـمطـاليع مـعتاد=ويجمل بطيبه من يريد الجميله
ومواقفه تعرف قديمات وجداد=وقفات ترفع راس من ينتميله
ونفخربفعله والفخردوم  يزداد=والاشبارلاقصرت شبوره طويله
قلته وانا من لابة سيوفها حداد=حرقان غيثٍ قد تتابع هميله
حرقان تاطا اقدامها كل ماكاد=في اليوم الاقشر والظروف المهيله
مطوعين العايل الى زاد بعناد= وستر العذاراء ناقضات الجديله          
لاجاء نهار فيه للملح رعاد= تجعل على كبد المعادي مليله            
وتحمي ديار الطيب بسيوف  وزناد=ودخيلها لاما انتخى تحتمي له
وصلاة ربي عد ماحن رعاد=على النبي عـداد وبل المخيله
 أخوك{{عبدالعزيزبن مذكر ال كزمان ال كناد القحطاني}}
من منطلق هذه المساجله وتبادل شعورالحميه والطناخه لقحطان وتاريخهم فالله دركما من رجال أوفياء
فلانامت أعين الجبناء المغتارين الحقودين الذي يغيظهم منهجكم وتاريخكم والتنويه بمن هوأهلالمنهج الآباء
والأجداد وهاهم الأحفاد يجددون نهجهم وسيرتهم وتاريخهم المجيدشكرا جزيلا لكم
محبكم فهد سعيد ال سبعي(باحث تاريخي) من هذالمنطلق بحثت واوجزت ونهجت نهج من سبقني
هوقليل بحق هذا الشاعرالصعب المراس وشكرالكل القراء الكرام
                                   بسم الله والصلاة والسلام على من لانبي بعده 00وبعد
قصائد تيجان قحطان الملوك سجلهاو سوف يسجلها التاريخ لبني مضيم الصناديد لامحاله
 بإذن الله كيف لاوهوالشاعرالرائدفي عصره داهية زمانه ومتعب أقرانه حيث قال
ياسلامي على الحاضر=شاعر(ن)قاضي يحاضر
من كتاب الله الطاهر=بالحروف الأبديه
صطع نجمه في سماء نجد كتب الأستاذ الكاتب الراوي صقربن حمد النويري الخنفري
أما بعد فأنني في رحله سعيدة مع حياة عالم وأديب وشاعر من رجال قبيلة بني مضيم قحطان
انه كالشمس في وضح النهار لا تخفى على عين احد إلا إذا تلك العين مملؤة بالحسد والحقد أعوذ بالله من ذلك كما قد قيل
ليس الشمس تخفى عن عيون ... سوى إن كان صاحبهن أرمد ابو فراج له منهجه الخاص في قوة معاني شعره بعيد عن الأقلام التي اختلط بها الحابل بالنابل .
إنه عالم فرض نفسه بأدبه وشعره على غيره مما أعطاه الله من موهبه في أنواع العلوم , تابعه في ذلك أولاده
حتى أبحروا ببحور العلم متأثرين بتأديبه وتربيته لهم حتى صاروا من اكبر الكتاب القديرين .
وإنني بكل قناعه أشارك كل من سبقني ووصفه بلقب ( شاعر الجحادر قحطان )
ومنهم ألأستاذ عبد الرحمن بن مشلح آل سفران احد أحفاد أمير قبيلة الخنافر قحطان ,
 
ومنهم ألأستاذ سعيد بن عايد آل سبعان الخنفري .
كما أشارك الأخ الأديب الأستاذ صقر الحبيبي الدوسري الذي وصفه بأنه
( شاعر له ثقله , شاعر تاريخي جغرافي شاعر بعيد المعنى , شاعر بعيد المغزى )
 ابو فراج له منهجه الخاص في قوة معاني شعره بعيد عن الأقلام التي اختلط بها الحابل بالنابل .
إنه عالم فرض نفسه بأدبه وشعره على غيره مما أعطاه الله من موهبه في أنواع العلوم , تابعه في ذلك أولاده
حتى أبحروا ببحور العلم متأثرين بتأديبه وتربيته لهم حتى صاروا من اكبر الكتاب القديرين .
وإنني بكل قناعه أشارك كل من سبقني ووصفه بلقب ( شاعر الجحادر قحطان ) ومنهم ألأستاذ عبد الرحمن بن مشلح
آل سفران احد أحفاد أمير قبيلة الخنافر قحطان , ومنهم ألأستاذ سعيد بن عايد آل سبعان الخنفري .
كما أشارك الأخ الأديب الأستاذ صقر الحبيبي الدوسري الذي وصفه بأنه ( شاعر له ثقله , شاعر تاريخي جغرافي ,
شاعر بعيد المعنى , شاعر بعيد المغزى ) وأيضاً أشارك الكاتب محمد بن عبيان الفهري بقوله ( بقصائده أطلق عليها بالقصائد المشفرررره ) .
أخي ألقارىء والباحث إنني سأتناول أدب وشعر هذا الشاعر الكبير ( عاصي على الشعراء بالكتاب وألسنه ) بإيجاز تمشياً مع ماذكرته بأنها رحله وليس بتأليف كتاب وحتى لا أطيل على القارىء فيكون هناك ملل أو تضجر وإلا من فضل الله إنه بوسعي أن أبحر مع أدبه وشعره الامحدود , بعشق وتشوق وأتعمق في تفصيله وتشعبه , وما أثره أللغويه والمعنويه , من أو سع ابوابه المفتوحه لي ولغيري التي فتحها لنا و استفدنا منها الكثير و يمكن للقارىء والباحث إذا يرغب التوسع أو زياده في المعلومات مراجعة المجالس التاريخية في منتدى شبكة حصاة قحطان أو مراجعه مدونة الشاعر بقلم ابنه محمد بمنتدى مجالس قبيلة ألخنافر , المجالس ألعامه .
أدبه : ـــ اجتمع فيه اثنتان عقل ومنطق حتى ظهر فيه التفوق منقطع النظير من أدب حسن وصفات محموده منها ما فطره الله عليها ومنها ما أكتسبها من تجارب الحياه من أساليب بليغة المعاني داخلها صافي الكلام العذب بنغمة اللفظ الرائع صحيح ألعباره يسبكها بإدراك ذا تميز ومعنى خاص به .
نعم انه جامع أفانين الأدب سواء المنثور أو ألموزون يجملها إبداعه ، له اسم ساطع ( عاصي على اسمه ) له تأثير وقدره على نفس السامع والقارىء .
قلمه بحد ذاته وهو أخرس أباح بفصاحة أسلوب أدبه وشعره للناس والناس هم الذين قيموه .
 قلمه يكفيه عزه ورفعه أن أنامل ذلك الأديب هي ألتي تسوقه وينزف بما يجود به صاحبها ألذي يملك
 أعنة الألفاظ وأعذبها وقعاً على النفوس ، تناول بشعره أنواع الشعر ولم يترك باب إلا طرقه بقوة المعنى
وغزارة اللفظ وبعد النظر فلو لم يقل إلا قصيدته ألألفيه المستعصيه لكفاه أن يحمل
لقب شاعر جحادر قحطان والتي مطلعها ..
الألف إقرأباسم ربي أببدأ=مجري الرياح إبشائته بارض صلدى
وذرى الرياح العاتيه قوم لداء=سبحان من أمره على الكاف والنون
أخي إنظرإلى قيمة العزيمه والهمه لديه كم قيمتها , حيث قال
من قلت عزومه فلاهوب رجال ... و لايفتخر بين الرياجيل مره
وبالعكس هنا حذر من الهذر ألذي إن لم يضر صاحبه لم ينفعه كما قال ..
العلوم الطايله بختصار الفلسفه ... والهذر لم الكبر والكبر لم الغرور
وهنا اكتفي أخذن بنصيحة شاعرنا الجليل خوفاً أن يسمى ما قلته هذر يلم الغرور بالنفس .
هنا رابط المصدربقلم النويري الخنفري بعنوان
عبد الله بن فراج العليان ( عاصي على الشعراء ) ادبه , شعره
[ندعوك للتسجيل في المنتدى أو التعريف بنفسك لمعاينة هذا الرابط]


اشكرالكاتب النويري صاحب القلم السيال بهذه النبذه الموجزه بختصارعن عاصي الشعراء
حقا لقد أتعبت غيرك بنثرك ومفرداتك الذهبيه وتقيميك هامه من هامات الشعراء الأوفياء لدينهم
ومليكهم ووطنهم وقبائلهم وتراثهم تاريخهم المجيدالمشرف شكرا جزيلا0





( مانخلع الطاعه ولايمكن إيصير))

بسم الله والصلاة والسلام على من لانبي بعده 00وبعد 



























تاريخ قحطان
تاريخ قحطان أرقام صعبه


تاريخ قحطان ارقام صعبه

تاريخ قحطان ارقام صعبه

 







































ماذا قال الملك عبدالعزيز  ولملك فيصل ولشيخ زايد و المؤرخ المستشرق الأنجليزي ديكسون فى كتابه
و العلماء والحجاج بن يوسف  والتاريخ في قحطان













‏​إذا انت قحطاني

فاسمع ما يقال عنك


قال الحجاج بن يوسف هؤلاء بني قحطان قاتلة جبانها )
المعروف عن قحطان فى جزيرة العرب أنها القبيلة الوحيدة التى تقتل الرجل من أبنائها إذا كان جباناً .
قال عنهم الرئيس العراقي صدام حسين :
 ( في كل نقطة دَم قحطان يوٌلد مجاهد ) 




قال عنهم الملك فيصل رحمه الله:
 ( لن تستطيع أي قوة أن تضرب قبيلة قحطان)
لانهم من اعظم آلقبآئل على وجه الارض وكان ذلك في (حرب بن فاضل )

قال عنهم الملك عبد العزيز آل سعود رحمه الله : ( مآيهزم بيرق حرب وفيه قحطاني)

قال عنهم الرئيس اليمني علي عبدالله صالح :
 ( قحطان قبيلة لا تحتاج إلى رجال فرجالها أهل ثبات )



قال عنهم الشيخ زايد رحمه الله رئيس دولة الإمارات : 
( اذا إٍنْــت لم تعاشر‏​قحطاني في حياتك 
 فانت في خطر لأنك لم تعاشر شجاعاً)



قال ديكسون المؤرخ المستشرق الأنجليزي فى كتابه "الحكومة الانجليزية الهندية " قحطان هم ألمان العرب وكان ذلك أثناء معركة كنزان عام (1333هج - 1915 م)
بسبب ما رآه من شجاعة قحطان وشراستهم فى القتال ...

الله يكفيكم شر عيون الحساد قحطان ضد الجان والإنس ملجمه
وهذا من فضل الله ومنًه وكرمه له الحمد والشكر والثناء هاكذا قحطان دون تطاول أوتكبر 000
دون الخوي والجار وحامي وطنًا....
قحطان هم من صدعوا بالحق وحملوا هم الدعوه
السلفيه على عواتقهم ابتداء من 1202 هـ
عندما انضم هادي بن قرمله حامل لواء الدعوه السلفيه في
الجزيره ومعه قبائل الجحادروقحطان كافه الذين اصبحوا المكون الاساسي
للجيش السعودي الذي يقوده هادي بن قرمله
حتى اتسعت رقعة الدوله السعوديه وانبسط
نفوذها الى عمان والعراق والخليج

وتوالت مناصرة قحطان للدوله السعوديه الثانيه والثالثه
والتاريخ يشهد والوثائق والكتب جميعها تؤيد هذا الكلام
يقول حسان بن ثابت الأنصاري رضي الله عنه :
فنحن بنو قحطان والملك والعلا=ومنا نبي الله هود الأخاير
في السعوديه بل ممتده من اسبانيا غربا حتى الصين شرقا ... سوف
يعلم ان لقحطان كلمة في تحديد مصير الامه العربية والسلامية
وان لها اليد الطولى في بناء امه الاسلام ممثله في الانصار وزبيد ومذحج وغيرهم من بني قحطان
اخي عاصي الشعراء هناك فيض من غيض لايجعلني اتابع تساقط الكلمات المعبقة بعبق الاجداد
ولكنني واثق بانه قحطان قادمه لان الرسول صلى الله عليه وسلم













 قال ( رحى الاسلام في ولد قحطان Arrow
من عاصي الشعاروالراس مطنوخ=كذاكذاوللابلاش المطانيخ
مصطورنا كنه من العقل مفصوخ=جن الجنون المستجنه مفاصيخ
ماكل شامخ معتلي فوق شاموخ=من فوق نجم نجومهم والشواميخ
حنا هل الطنخات وحنا هل الجوخ=كذاكذاوللابلاش المجاويخ
مايستوي كشخه ونفخه ومنفوخ=مع باتريوت اللي عتربالصواريخ
((الشايب للي صطرالمجد تذكار))
الله وكـــبـــر يـــاصـــدى  عـبـرالأقــمــار=حـنـا جـنـود الـديــن وحـنــا المـغـاويـر
مانخلـع الطـاعـه ولانـخـون الأســرار=ومـن يفلـت السانـه سجيـن التقاريـر
من يفلته يصبـح إمجنـا علـى ستـار=والبـادي أظـلـم فــي كـتـاب التفاسـيـر
المنتحـرلـجـل الـخـطـر داس لـخـطــار=نـزل الصواعـق مـن سمانـا محـاديـر
حــد السمـاءفـوق الـنـجـوم الـتـونـدار=حـنــا عـــذاب الـصـافـنـات الـمـغـاويـر
الـشـايـب الــلــي سطًـرالـمـجـد تــذكــار=شـيـخ الجحادروقحـطـان المصاطـيـر
لـبـاًشــيــاطــيــن  الـدجـروالـتــمــخــطــار=حـنــا الـــزلازل والـصـواعـق مـحـاديـر
قـاد الجيـوش الـهـادره يــوم ذي قــار=بــمــر الإمــــام الفـيـصـلـي لـلـمـداويـر
يـشـهــد لــنـــا تـاريـخـنــا  سـروجــهــار=حـنـاهـل التـوحـيـد وحـنــا المعـاصـيـر
جــن الـجـنـون المستـجـنـه بـالأذكــار=آيـــات ربــــي شرشـحـتـهـم  شـراشـيــر
حـنــا جـهـنــم تـصـطـلـي نــارهــا نــــار=حـنــا عـــذاب المجـرمـيـن الصقـاقـيـر
يــاخــادم البـيـتـيـن ويـالـحـاكـم الــبــار=أنـت المليـك ابـن الملـوك المشاهـيـر
والله لعـبـر بالصـحـيـح الـــذي صـــار=كــــذا كـــــذا ولــلابـــلاش  الـشـعـاعـيـر
مع تحيات /عاصي على الشعراء وأشعارهم
بكتاب الله وسنة رسوله
عبدالله بن فراج بن شويمي العلياني القحطاني
ورد في كتاب لمع الشهاب سنه 1233للهجرة عن قبيلة قحطان مايلي :
((شعب قحطان العظيم)) قحطان وهي باقيه على هذا الاسم، لأنها من قحطان
القدماء،اولي باس شديد ولهم قــوة عظــــيمة،
وكانوا قبل ظهور محمد بن عبدالوهاب، لا يمـــكن احــد الحرب معهم، ولهم أرض واســعة،من حدود السراة
وهو جبل عالي بين بيشة ونجران ، ولهم وادي يسمى التثليث (تثليت)يهبط سيله الى وادي الدواسر، الاتي ذكرة،
ومنهم اعني قحطان هؤلاء من ينزل الهضب الذي هو شرقا عن رنــــية،
فأكثر قحطان، أهل الخــيل والأبـــل يسكن نجدا بأطراف العارض، ولهم نصح عظيم في هذا الديـــن
الذي أخرجه محمد بن عبدالوهاب، ولهم مبالغة تامه فيه،وهم لما اتبعوا آل سعود ،
 قالوا لهم: نحن علينا تطويع تهامة اليمــن واطراف حضرموت والشحر، وما ناسبنا من أرض الحجاز
 وكان الامر كذلك لانهم ما فتروا عن الغزو منذ دخلوا الدين، وكان اذاً شيخهم وكبيرهم هــادي بن قرملة،
واليوم ابنه محمد ابن هادي بن قرملة ، وقحطان يتصرفون اينما شاءوا من بلاد نــــجد وتوابعهـــــــا كالأحــساء).





















عاصي على الشعروالشعراء بالكتاب والسنه ادبه وشعره يستمد المعجزات من الكتاب والسنه وتاريخ قحطان
وملوك قحطان أليس هوالذي قال
***أول ملوك العرب بالتاج قحطاني***
صكات بقعاء ماهـي بكبرامصيبـه=جرع المصايب كنها كيف رسلانـي
 لو يمتثل عزران مليـون ترحيبـه=نزل الصواعق من سمانا ولانهاني
 لو نجتمع في راي شبان والشيبـه=حنا الزلازل والصواعق او طوفاني
 قحطان طول ازمان بالعز والهيبـه=اخطر خطر مخطور بفعال برهانـي
 تبع وتبع ملـوك الفـرس تدريبـه=اول ملوك العرب بالتـاج قحطانـي
 قلته وانا عاصي الشعـار تزريبـه=ونا بن صالح زبون المجرم الجاني
 لا صار منت بترج العـاز تمشيبـه=بعض المواقف لها مطنوخ صنياني
 من كف حاضر والنحو زان تعريبـه=قحطان نفخ الصور للا نس والجاني
فالله درك من شاعرقادح شاهرا سيف الأشعارالبتاربالأدله والبراهين هنيئا لقحطان بالشاعرالصنيان
الممرورالغيورالأسد الجسورحيث قال

^^مانخلف البيعه ولاهي خفايا^^

الحمد لله وشكره فالبدايا= من يشكرلله زاده الفضل وسرور
حنا شهود الله بين البرايا= وحكم الشريعه يفصل الحق والزور
جزل لوهايب قد عطى بالنوايا= من لامني ماجور ياسين ماجور
دوك الرواسي شامخات الرزايا= لولا لرواسي مابه بلاد وقصور
الله خلقنا رادته بالمشايا= ماتاتي الطالات بصوات جمهور
تاريخنا يشهد لنا بالوصايا= متوارثين العلم من ماضي دهور
لو بالمثل ياذيب ذيب السرايا=نزل الصواعق من سمانا على لطور
حنا الجحادروقحطان الحمايا= خطف النظر لمح البصر شعشع لنور
المنتحر لجل الخطر ماتدايا=لو يمتثل عزران ماولله يدور
اخفاه ربي من عيون الرعايا= والخافي أعظم لاصعق صعقة الصور
لاشربكت شرباكها وللوايا= حنا الخطر وخطر خطر صار مخطور
حنا حمات الدين ياهمً لايا= الله وكبر ردد ه شيخ لاهور
مانسمع النمات وهل الوشايا= اللي لهم تاريخهم وعد بلفور
خطط لهم هندس لهم بالزوايا= مايمتكن لو استجن نسمع الشور
مانخلف البيعه ولاهي خفايا= سنة محمد والشريعه لها دور
مع تحيات عاصي الشعراء
عبدالله فراج بن شويمي العلياني القحطاني

(من عاصي الشعاروالجد قحطاني)

من عاصي الشعار والجد قحطاني=حنا بني مضيم رمز العز والهيبه
حنا بني مضيم في لول مع الثاني =والثالث اللي ظلام الليل يسريبه
حنا ولاطارق بن زياد ماهاني=والله ولاعنتر وشيبوب والشيبه
حنا غرق في البرايا طم طوفاني=ذمب وغظب من ولي العرش ومصيبه
حنا طواريق شر الإنس والجاني =بسم الأله وهبوب لنود توميبه
هيهات هيهاتهم ذربين ليماني=حنا كما نور ساطع في سما طيبه
حنا فيالق جيوش العز برهاني=وحنا رواصد شهاب الجن تدريبه
حنا جنود الخليفه قوم حساني=قحطان قحطان ضد ا لشك والريبه
وش صار ذي قار قبل الحرب بعماني=رج الرجوح بسفوح اجبال تزريبه
عاصي الشعراء العلياني
 (حنا بني قحطان وحنا العصيين )
حنا بني قحطان وحنا العصيين=فيما مضا وليوم حنا عواصي
حنا بني مضيم التحدي صلاطين=دون الوطن والدين ضد المعاصي
حنا رساله للبرايا عناوين =من عاصي الشعار صخر العواصي
ومن الجحادر عزكل القحاطين=ونا بن صالح عزوتي لا مناصي
حنا امر للمعتبر في الميادين =الله وكبر والجوارح قصاصي
نزل الصواعق من سمانا صطيين=لاحظّر ابليس القشر برتكاصي
تشهد لنانجوم السما والميامين=وعتيبة الهيلا مع اهل النماصي
مِن جامل الهدنه ولا نخون في الدين=حنا بني مضيم التحدي إجباصي
وليوم صار البوم جيز الشياهين=أمن أو أمان وزان لعب الهواصي
حكم الشريعه وطّد لدين تمكين =حكم ابو متعب ولشرع لا محاصي
مع تحيات(عاصي الشعراء)
عبدالله فراج العلياني القحطاني
===============

وله ايضا هذه القصيده العصماء أختصرت منها هذه النوادرالثمينه 

حقا لقد إنقادت لعاصي الشعراء بكل سلاله وستصعبت على الغيرممن لهم درايه بتاريخ شعب قحطان العظيم
وصدق من قال القرآن ينوربصيرة عاصي الشعراء نعم المنهج منهجه الكتاب والسنه والتاريخ

((يسجد الطاغوت ملعونن ثواه))
حن بني قحطان بإحكام المجيد=الصمد واحد احد والي الولاه
حن بني قحطان في يوم الطريد=يسجد الطاغوت ملعونن ثواه
حن بني قحطان والشاهد شهيد=ما نخون ملوكنا وجه وجاه
حن بني قحطان في عرق الوريد=حن فصيله دم ما غيره سواه
خادم البيتين والراي السديد=سيدي مولاي في كل اتجاه
يا شراذم شر والجرم المكيد=حن دهات الحرب ودها من دهاة
يستجن الجان وبليس المريد=لاانصطرنا لعنبو دنيا الحياه
دون حد اوطاننا هل من مزيد =حن بواسل مؤته وغزوالرماه
حن بني مضيم الرواسي ما نبيد=يا سهوم حراب في ايدي الطغاه
ما يرد القوم في ساعي بريد =كود منهو سم ساعه ل لعداه
برهني يافعال بحكام المجيد=وحكموا يارجال راوين وثقاه
حن قواعد بيت ماشاءه يريد=حن علم مرفوع بتوحيدالاله
لااله الا الله الفرد المجيد=حن شعاع النور يوضينا سناه
يعلم الله في ظلام الغندريد==مانحسب حساب طوقه ولنجاه
يفعل الله رادته ماشا يريد=والبدايه والنهايه مبتغاه
ابن ثابت شاعر محمد وحيد=صير اهل الشرك زاميهم فصاه
اهجهم حسان والروح لك تزيد=حقق الله في قصيده مانواه
الكلام احكام بالعقد الفريد=والذهب معيار ولتاجر وزاه
لو يطيع العاقل الجاهل يبيد =تخرج النار ابعدن ياهملاه
استغلوا كل منهو بالوصيد=كل تايه بالعوز لاحق مداه
يفتكر اثروه بالراي الحميد=والجيوش اتهوش ولحد قد قواه
الزواحف ضدها رش المبيد=والضواري سعيها بأرض الفلاه
كل منهم لو تمنا ما يريد=كل عبدا في صلاته قد نهاه
يا شراذم بو لهب حبلن مسيد=زادهم في غيهم نا دي العراه
يا خوارج ردت اسلام التليد=تايه فكره وخارج عن مداه
والنصيح افصيح ولراسي صميد=ولسراب اوهام مايشفي ضماه
من تبدا دون اثبات الاكيد=من اعتل ازنام وصله من وطاه
بصمته بالعار في نظم القصيد=من درع في لبس غيره ماهناه
والقبايل كل عن حده يذيد=كل منهم عنده الحق ابتداه
كل منا في زمانه مستفيد=تحت حكم الله و بو متعب وراه
حكم ربي يضرب بقوه وقيد=لقدم المدعو فله حكم الصفاه
يحكم بسيف الله خالد الوليد=شرذمت الافكار ريموت القناه
عاصي الشعار والوارد يجيد=ياعنا منهو عناله يعناه
ناقدي لو يبتدي فوق الثريد=كم جدعنا من جناديل الجداه
مع تحيات عاصــــي الشعــــراء
عبـــــدالله فــــراج العليــــاني القحطــــاني 

((حنا اقحطان الـجـن ولانس داريـن))
 حناإقحطان العز وحنا العصييـــن =جن الجنـون الـعـاصـيـه تـسـتـجـنـا
ينزل خبرمن فوق سبع السماوين= نزل الصـواعـق مـن سـمـانـا تـدنـًا
حنارساله والقـبـايـل عــنــاويــن= فـي مـحـكـم الـتـنـزيـل لابـسـمـلنا
حنا اقحطان الـجـن ولانس داريـن =شـاعـررسـول الله ابـشعـره تـبـنا
حنا بني مضيم الرواسي ولانهين= حـنـارواصـد فـي شـهـابـه وحـنـا
حنااقحطان الحق حنا الموازيـن =يـرجـح بـنـا مـيـزان عـدلـه وزنـا
الله وكـبـرلاشـهـر بـالـمـواذيـن =حنا هل الطنخات لاتمتحناً
لادارت ادوار الفلك يالميـامـيـن =والله فلاهي بكبر الي شــحــنــًا
حنا هل الطنخات وحنا الصـلاطـيـن =دون الخوي والجار وحاكم وطنا
مانخلع الطاعه ولانخون في الدين= في وقتنا الحاظر وماضي زمـنًا
عقالنا لو طاعو جــهــالــنــا ويــــن= الجبت والطاغوت وجنده تـهـنـا
والله ولافــرعــون وجــنــده اورابين =نذرن فلايذرون بذاري ضـعـنـا
حنا كذا من فوق روس الشياطين = لبا شياطين الصطر لـصــطـرنـا
ون حلت الساعه على الحين في حين= يسجد لنا طاغوت شام ويمــنــا
ماهوب كلام اوهام وصـفوف تموين= لو يمتثل عزران مايـحـتـمـلـنـا
من لامني يــالابـتـي يـامـضـيـمـيـن= يبلابنا في حين وقتـه تـمـنـا
الـعـاديـات الـغـايـرات الـمياديـيــن =نرخي مصاريع السبق منتونا 
من لايعرف البحتري وبن سيرين =يقصرصلاته في فلاته مجناً
وكل القبايل بالفعايل طويلين =في سلًم الطالات منهم ومناً
لاكن بني مضيم القبايل صليفين = ينزل خبرللمعتبرماجهلناً
مـــــــع تحيـات عـاصي الشعــراء
عبدالله فراج بن شويمي العلياني القحطاني وشكرا
==============
حنا بني مضيم القبايل تحدي )
حنا بني مضيم القبايل تحدي=سبع الفواسق تعترف طرق ذلحين
حزنا الإراده طرق جتنا إتكدي=من فوق قب مهار قومن مغيرين
ندعس وطيس الناريللي تهدي=حنا رجوم نجوم فوق الشياطين
يفرح بنا مقهور ساعة يضدي=ينزل خبرمن فوق سبع السماوين
الطيب وهبه مايجيهم بودّي=ولايشترى بالكاش نقد الملايين
والله فلارجي بلقوافي مردي=ولرتجي للمال مثل الضعيفين
هاذاك نقص ياحياة لنكّدي=سورالضواري تشبعه حيثه مهين
قلت القوافي وصخري لي علا لدي=مافي ضميري طاش من غير تنوين
مع تحيات عاصي الشعراء
=====
مانخلع الطاعه ولانخون في الدين في وقتنا الحاضروماضي زمنا
منذوالدولة :  السعودية الأولى والثانيه والثالثه وإلى أن يرث الله الأرض ومن عليها
 وستشهد في سبيل تجديد الدعوه الشيخ هادي هوشهيد القحاطين بمرالإمام الفيصلي قد رمابه قاد الجيوش الهادره ضد جيشين الترك والباشا علي ولتقايه معركة وادي الصفراء وقعت عام 1812 م بين قوات ولاية مصر العثمانية بقيادة طوسون باشا وقوات الدولة السعودية الأولى بقيادة
في وادي الصفراء بين المدينة وينبع. وانتهت بانتصار السعوديين
وانسحاب طوسون بقواته إلى ينبع, استشهد فيها هادي بن قرملة القحطان





((حنا جنود الفيصلي ماحيينا<؛<
((حنا جنود الفيصلي ماحيينا<؛<
حنا بني قحطان يابن الذينا=شيخ إقحطان اللي شهيد الغزيات
في معركة الاتراك يالعارفينا=الشيخ هادي في صحيح الروياًت
والتين والزيتون والطورسينا=الله وهبنا رادته بالمشيًات
والترمذي والبحتري واهمينا=مايعتلي القمه ضعيف الهقايات
عززبنا الله دعوته وعتزينا=حنا الأسود الكاسره والصطيات
ماهوب كلام أجلام أهل البطينا=خبث النواياوالكره والوشايات
حنا جنود الفيصلي ماحيينا=رفرف علمنا فوق عال البنايات
واللي أتاه الله من الدهرحينا=في نجد يانجد العنا والرزايات
رغم الدهوراللي عجاف السنينا=يوم القبايل من شعوب وبرايات
يوم الحمرلون الثرى واديينا=محدن يرد المهتوي من نحايات
تدفع لنا الجزيه على كل حينا=طوفاننا طم البحورالطميات
تسعين عام أعلامنا باالسنينا=بيماننا ماجت لنا باالعطيات
حنا عذاب ارهابهم مابقينا=ياهل ترى لهل القرى من بقايات
قحطان طوفان الغرق للذينا=أوتومن علوم الروافض بدايات
حنا بني مضيم القبايل يقينا=ماهوب كلام اعلام نشرالدعايات
حنا هل التوحيد في العالمينا=خمس الفروض الواجبه والتحيات
حنا بني مضيم الرواسي رسينا=فوق البسيطه والرواسي رسيات
سبع الفواسق تعترف ماتبينا=جن الجنون المستجنه همياًت
والخافي اعظم يااللبيب الفطينا=حنا العرب وهل السلوم الجليات
شاعررسول وفينا وفينا=نونية القحطان فيها وصايات
لمح البصرخطف النظرلاشعينا =حد السماء فوق النجوم العليات
لبا شياطين الصطرلاغزينا= حنا الزلازل والصواعق صليات
حنا أمرللمعتبريااللعينا=يوم الرجم مرجوم سبع الحصايات
كيف العرب عند العجم واطيينا=خنتم وطنكم ياوجيه النفايات
خنتم وقلنا أف ياالعايبينا=الله وكبرفي مساه وغديات
حنا الجحادرمن يكابرعلينا=مالك ومال إطوالها والحكايات
تقصر‘إطوال علومهم لانوينا=درب الخطاء ياتي لنا بالقديات
ياخادم البيتين رهن اليمينا=حنا كمى تجويد في نطق الآيات
حنا هدات الدين نذرن علينا=حنا كذادامت رواسي عمايات
دون الوطن والدين والحاكمينا=مانرتضي غيرالشريعه عنايات
مانخلع الطاعه لياما عطينا=يوم الرجم عند الحرم والحزايات
حناكذاطبع وجبله مشينا=‘درب الصراط المستقيم المزايات
سدد بنا الله رمينا لارمينا=لهل الكفروهل الفجروالخليات
حناهل التوحيد في العالمينا=لويمتثل عزران شاف النكايات
عززني الله رغم إنسه وجينا=مالك ملوك الأرض وهل السمايات
 مع تحيات/عاصي الشعراء
عبدالله بن قراج بن شويمي العلياني القحطاني
==========

((الشيخ هادي حارب الشرك ماكود))
(مانخلع البيعه مثل عام صاهود)1400 أول يوم من القرن الخامس عشر الهجري
ياموحدين الله وياترثت الجود=يهل الكرم وهل الوفا والشجاعه
الله يبارك فالثمرفرع وبنود=أمةمحمد بالوسيلة شفاعه
والشافعي والحنبلي طورهم طود=للخارجين المارقين القطاعه
حنا هل التوحيد والشرع مشهود=مايمتكن فينا جبان ورعاعه
أصل الجبان إمهان مكتوع مضهود=من ذلًه الله مايعزًه جماعه
أهل الفكرورهابهم مابهم فود=إمبدًلين الكنز ببخس بضاعه
الجبت والطاغوت وصحاب لخدود =هل هوأتى غوث النسرمع سواعه
حزب الفقيهي يحمل أسفارمكدود=ينهال تحت أقدام شبل البتاعه
عليك باللي هيبته تحمي الذود=لاوالذي قد قالها لن تراعه
صح الله الساني ولافيه منقود=اصفا من الصافي ذهب فلتماعه
والخافي أعظم لونقول العدد زود=لارتًل القارئ تجيد إستماعه
العلم غيرالعلم والظل ممدود=والجزرغيرالمدً مدًه وصاعه
والفلك غيرالفلك والورد مورود=حد السما فوق النجوم الرفاعه
ماهوكلام أوهام وحلوم سامود=اللي على راسه سواده قناعه
أهل الرقيم اللي قبل عاد وثمود = شعشع لهم نورالفضافي شعاعه
كل الصفات الطيبه كادي العود= الحافظ الله من كواسرسباعه
تسع وثلاث ميه مع القانع إرقود=في كهفهم عبرالدهروالمجاعه
ماتاتي الطالات صفقات وعقود=كلً على بذره يحصده زراعه
الطرق غيرالطرق والرفق بركود= والحرًيعجب صاحبه في مزاعه
أصل البطانه فاسده دوكم شهود=ساهرحدى لإرهاب ماهواشاعه
والطالب مطالب من الدوله إنقود= رهط الذوي دخل الفقرفي ضياعه
أهل الفكر والحادهم لحد ملحود=الملحدين إمخطًطين الشناعه
حنا جنود الفيصلي ترثت العود=حنا هل التوحيد والغيرباعه
تسعين برقيه غداته مع إبرود=صارالتويجربيجره دون داعه
ياخالد الديوان منته بحمود=دونك يهينونك كونترطباعه
من خافي أعماق الفتى كنز مرصود =محيطنا حد السمافي رفاعه
الشيخ هادي حارب الشرك ماكود=غزوة قريضه ياملاحج خزاعه
حنا جنود الفيصلي دامها سهود=ونتم لنا ضد الوطن باللكاعه
يامحرفين اكتابهم جدنا هود=رغم الدعاة إرعاتنا في قضاعه
حنا هل الطنخات ميثاق وعهود=دون الوطن والدين سمع(ن)وطاعه
حنا كذاطبع وجبلًه وماكود=يذعن لنا طوع الطغاة الطواعه
وكل القبايل مابهم نقص وجهود= تاريخهم عبرالصحف والإذاعه
والله ولافرعون وجنده ونمرود=قحطان طوفان الغرق ظرف ساعه
مانخلع البيعه مثل عام صاهود=أهل الكفروهل الفجروالخناعه
لاذعذع الغربي نسانيسه النود=هاذالنسب هاذالحسب والطماعه
لايخدعك مزموم مرجوم مرجود=ينهال تحت أقدام شبل الشجاعه
هذاكلام اللي مخضرم وبارود=خطف النظرلمح البصرفي شعاعه
تاريخنامشهودوالضد مضدود=والخافي أعظم نفخة الصورساعه
مع تحيات:عاصي الشعراء
عبدالله بن فراج بن شويمي العلياني القحطاني





 =======




احدي الشواهد التي تاكد ثبات موقفه وولائه مع ال سعود من نص تاريخي مكملا
مسيرة هادي بن قرمله الذي استشهد في سبيل توحيد هذا الكيان في معركة وادي الصفراء إلى جانب الإمام عبدالله بن سعود سنة 1226هـ وهم يواجهون الحملة المصرية بقيادة طوسون باشا وقد قتل في هذه المعركة عدد من شيوخ القبائل العربية والفرسان المشهورين ولكنها انتهت لصالح الجيش السعودي رغم خسائر فادحة؟
نبذه مختصره عن ماجاء في تاريخ الامير هادي بن قرمله رحمه الله
بداية مسيرته كما جاء في كتاب البدراني
وكذا هادي بن قرمله في جماعة من قحطان وهذه المسيرة اول معاضدته لال سعود وشهور شانه في جزيرة العرب ثم صار له صيت كبير
ص173 من اخبار القبائل في نجد للبدراني
وقعة على مطير سنة 1206
ثم غزا هادي بن قرمله بامر من الامام مع جمع كثير من الاعراب المسلمين وسارو حتى وافي قبائل مطير وهم على ماء الحنابج بعالية نجد فنازلهم وبذلوا جهدهم في قتاله حتى من الله عليه بالنصر وغنم المسلمون ثلاثة الاف بعير. ص 175

(الشيخ هادي له تواريخ وحـزاب)
يازين بدع القاف في راس مرقـاب=إليا نظمته فـي إقحطـان اللقـاوي
ياماحلا ريشة ذهـب ولذهـب ذاب=يكتب بها شاعر اولاهـوب غـاوي
يكتب بهاشاعـر عناويـن بكتـاب=حنا بني مضيم الصحيح الـرواوي
لمري وطوعي حظّر القاف ما غاب=يالله دخيلك مـن جميـع المسـاوي
حنا دواءللدّأ علا طب (ل) طبـاب=سـم الـدوا ولـدّأ يسـم المـداوي
حنا أصول الدين وصو ل الأنساب=دون الخوي ولجار وللـي جـلاوي
نضرب ولنسمّي بلاشـك مرتـاب=نلـوي علالـوي اللوالـي مـلاوي
تلألأاللؤلـؤ عـلا عقـد لاصحـاب=عقـد الحديبيًـه يجـب الدعـاوي
صـم الحديدإبشائـة الله لنـاقـاب=قوسيـن ودنـى يابعيـد الهقـاوي
الله وكبرلارفـع صوتـه أوطـاب=صم الهدى ياتـي قـدى مانـراوي
من ناصر الدعوه مع الشيخ وهـاب=الفيصلـي نجمـه تعـلاً حـداوي
والشيخ هادي له تواريخ وحـزاب=شيخ إقحطان اللي شهيد الغـزاوي
في معركة لتراك ومصر الذي خاب=قوًه صطيـه جـت لنـا بالمنـاوي
ماتستوي روضة محمد ولصحـاب=وهل الطقوس وهل النفوس الخزاوي
حنا دهاة الحرب والضد منصـاب=يالحنبلي يالشافعـي كـم نسـاوي
ميًه علاميًه علـى رغـم لعـراب=صح الصحيح الترمذي وبن جـاوي
وكل القبايل من صناديـد لشنـاب=كل(ن) على حده شجيـع وفـداوي
دوك الرواسي للبسيطـه ولطنـاب=بين البرايـا والشعـوب الـرزاوي
حناًعلى ارزوح الشواهيق بهضاب=ينزل خبر من فوق سبع السمـاوي
مع تحيات (عاصي الشعـراء)
عبدالله فراج بن شويمي العليانـي القحطانـي
 شـيـخ الجحادروقحـطـان المصـاطـيـر
((ياخادم البيتين والحاكم البار))
الله وكـــبــــر يـــاصــــدى عـبــرالأقــمــار=حـنــا جـنــود الـديــن وحـنــا المـغـاويـر
مانخـلـع الطـاعـه ولانـخـون الأســرار=ومـن يفلـت السانـه سجيـن التقـاريـر
من يفلته يصبـح إمجنـا علـى ستـار=والـبـادي أظـلـم فــي كـتـاب التفاسـيـر
المنتحـرلـجـل الـخـطــر داس لـخـطــار=والله ولاجساس مع سالم الزير
حــد السـمـاءفـوق الـنـجـوم الـتـونـدار=حــنــا عــــذاب الـصـافـنـات الـمـغـاويـر
الـشـايــب الــلــي سطًـرالـمـجـد تــذكــار=شـيـخ الجحادروقحـطـان المصـاطـيـر
لـبــاًشــيــاطــيــن الـدجـروالــتــمــخــطــار=حـنــا الـــزلازل والـصـواعـق مـحـاديــر
قـاد الجـيـوش الـهـادره يــوم ذي قــار=بــأمــر الإمــــام الـفـيـصـلـي لـلـمـداويــر
يـشــهــد لــنـــا تـاريـخــنــا ســروجــهــار=حـنـاهـل التـوحـيـد وحــنــا المـعـاصـيـر
جـــن الـجـنـون المستـجـنـه بــالأذكــار=آيــــات ربــــي شـرشـحـتـهـم شـراشــيــر
حــنــا جـهـنــم تـصـطـلـي نــارهــا نـــــار=حـنــا عـــذاب المـجـرمـيـن الصـقـاقـيـر
يــاخــادم البـيـتـيـن ويـالـحـاكــم الــبـــار=أنـت المليـك ابـن الملـوك المشاهـيـر
أصـل البطانـه خايـبـه وصـمـة الـعـار=مـــع الـبـغــاة مــــع الـجـنــاة الـمـزازيــر
أخـطـر خـطـرأهـل الـفـجـر سـروجـهـار =كره البدوفي قلوب كل الطراطير
أهـــل الجـبـايـه والجـنـايـه لــهــا ادوار=تخطيط علماني يشنكرشناكير
مابه دخل لأهل الدخل صافي أصفار=بالـسـاهـر الــلــي بالـقـسـايـم فـواتـيــر
لاصارعاطل والفقررمزه إشعار=صيده ثمينه في شباك الدبابير
هذي خلايا بالنظام الذي صار= ساهرقهروخطرخلايا عقاقير
مايصبرالمغبون لاصارمنهار=خطط على التنفيذ فض الطوابير
حزب الفقيهي خططه طافي النار=تحت الذوي دخل المسمى طراطير
حنا جنود الفيصلي جالنا دوار=الله كتبنا رادته والمقادير
ويــــن الإغــاثــه يامـغـيـثـيـن لأقــطـــار=أمــــــا مـــــــزر والـلاقــضــايــا تـــزاويــــر
محدٍ(ن)يواسيهـم كــود الـنـازح الـفـار=عبرالنصيـح ومـن الفصـيـح النـواويـر
والله لـعـبـر باالصـحـيـح الـــذي صــــار=كـــــذا كـــــذا ولـــلابـــلاش الـشـعـاعـيــر
مع تحيات /عاصي على الشعراء وأشعارهم بكتاب الله وسنة رسوله
عــــبــــدالله بــــــــن فــــــــراج بــــــــن شــويـــمـي الـعـلــيــانــي الـقــحــطـاني
أمير قبيلة قحطان وحاكم منطقة نجد
فترة الحكم 1193 هـ- 1226 هـ (33 عاماً)
تاريخ الميلاد غير معروف
تاريخ الوفاة 1226 هـ
مكان الوفاة معركة وادي الصفراء
سبقه عثفر العماج
خلفه محمد بن هادي بن قرملة
هو الامير هادي بن غانم بن زعكان بن غانم ابن حسن من السحمه من الجحادر من قحطان
((عاصفة حزم السعودي عمى عين الضديد))
عاصفة حزم السعودي عمى عين الضديد=زلـزلـي يــاالأرض هــزي عـلـى رغــم الـعــدا
الـصـواعـق مـــن سـمـانـا تـنـكـس ماتـحـيـد=فـي ظــلام الغـنـدري شعـشـع الـبـارق كــدا
كـلـنــا سـلـمــان حــــب الـمـلــك دم الــوريـــد=سيـف صـارم مايـداري عمـى عـيـن ارمــدا
سيف صاطي بااللقا لاحصل يوم الطريـد=يـكـتـع الـطـاغــي عــلــى جـلـنــده بالـجـلـنـدا
وبــن كـنــدي والمـقـنـع عـلــى مـالــه نـديــد=كــل منـهـم حـانـث(ن) بالقـسـم يـلــزم فـــدا
حن جنود الفيصلي ماضـي الوقـت وتليـد=بـــرزخ الـبـحـريـن ســبــع الـجـزرلا-لا-بــدا
نطلـب الله كــل يــوم عـسـى عـمـرك مـديـد=سـيــدي سـلـمــان لــمــرك تــرانــا لــــك فــــدا
قـالـه الـلـي كـنـزه ورصــده الـفـرد الصمـيـد=يـاهـزيـل الـعــد والـرصــد مـالــك مـــن جـــدا 
للـوطـن والـديــن والـحـكـم بـكـتـاب المـجـيـد=زلزلـي يـالأرض هـزي عـلـى صــاد الـصـدا
والـنـهــايــه والــبــدايــه عـــلـــى عـبـرالـبــريــد=كــلــمــة الـسـرإعـتـبـرهـا حـــبــــاب الـمــقــتــدا
عـاصــي الـشـعـار جـــاب المشفربالقـصـيـد=مـايــفــك إرمــــــوز شعـرالـسـمـرقـنـدي قــــــدا
 عبدالله بن فراج بن شويمي العلياني
((حنا هل الطنخات ميثاق وعهود))
ماتاتي الطالات صفقات وعقود=كلً على بذره يحصده زراعه
والله لصيًرعاصي القاف صامود =محيطنا حد السمافي رفاعه
حنا كذاطبع وجبلًه وماكود=يذعن لنا طوع الطغاة الطواعه
وكل القبايل مابهم نقص وجهود= تاريخهم عبرالصحف والإذاعه
والله ولافرعون وجنده ونمرود=قحطان طوفان الغرق ظرف ساعه
حنا هل الطنخات ميثاق وعهود=دون الوطن والدين سمع(ن)وطاعه
عليك ياللي هيبته حامي الذود=خطف النظرلمح البصرفلتماعه
عاصي الشعراء العلياني





عبدالله بن فراج بن شويمي العلياني جحادرقحطان




وقبل النهايه بختصارالبدايه إنني أبحرت في تتبع كتابات وقصائد عاصي الشعراء العلياني
فكدت أغرق في طوفان الشاعرالمبدع القادح الشاعرالقاضي الناصح الأمين لشعب قحطان العظيم
وجميع القبايل في نجد والجزيره العربيه فختصرت الطريق وقطفت من ثماره اليانعه للإستفاده واللاذعه
ايضا لكل متكبرجواظ حيث قال Basketball 
 
الرجوع الى أعلى الصفحة اذهب الى الأسفل
عاصي الشعراء العلياني
مدير العام
مدير العام
avatar

الدولة : السعودية
تاريخ التسجيل : 23/07/2010
عدد المساهمات : 1709

مُساهمةموضوع: رد: شخصية (عاصي الشعراء)شخصيه لا نستطيع وصفها بعدة كلمات   الإثنين أغسطس 14, 2017 1:39 pm

طبت وطاب قلمك من معلمومات ثقافيه تحمل بين طياتها حجج دامغه وأشعاريانعه
 فالله درك من كاتب ومؤرخ شهير وإعلامي  جديربالمتابعه لمثل هذه القصص التاريخيه
التي تحمل بين ثناياهاالكثيرمن جوامع المعاني والعلوم والثقافه طبت وطاب قلمك السيال المعطاء
شكرا جزيلا لك على فحوى الموضوع والإشاده التي لاتستغرب من مثقف مثلك يحب الخير
لغيره مثلما يحبه لنفسه فلانامت أعين الجبناء شكرا جزيلا لك

_________________ تــوقــيـع

ماننحني إلاً الإله الواحـــــــــد=نركع وخرينا على الأذقـــاني
وجًهة وجهي للًذي خالقني   =  سبحانك اللهم لك  سبحاني


إفروض ربك بالبدايـة عناويـك = الواحد المعبود إركع لـه إسجـد
الواحد المعبود ساتـر مساويـك = من يرجي المخلوق ستره تبـدد
الرجوع الى أعلى الصفحة اذهب الى الأسفل
http://al3leian.wwooww.net
 
شخصية (عاصي الشعراء)شخصيه لا نستطيع وصفها بعدة كلمات
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
شبكة حصاة قحطان :: مــجــــالـــــس ال عـــــلـــيــــان , والـــــــشــــعـــــراء :: مجلس الشاعـر عبدالله فراج العلياني-
انتقل الى: