شبكة حصاة قحطان
عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدى
سنتشرف بتسجيلك
شكرا

ادارة المنتدى

شبكة حصاة قحطان

لقبائل ال عليان والجحادر وقحطان
 
الرئيسيةبحـثالتسجيلدخول

شاطر | 
 

 (إقحطان التاج عزي ننزح الجمـع وينزي)

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
فيصل عبدالله العلياني
الأداره
الأداره
avatar

الدولة : السعودية
تاريخ التسجيل : 24/07/2010
عدد المساهمات : 1563

مُساهمةموضوع: (إقحطان التاج عزي ننزح الجمـع وينزي)   الجمعة أبريل 29, 2016 9:23 am

(إقحطان التاج عزي ننزح الجمـع وينزي)
ياجحادر حن الأكابر= مايكابرنا مكابر
وقت ماضينا وحاضر= خصًنا ربي مزيًه
هاجس الشعر القوافي= إصخريلـي بعترافـي
عاصي الشعار وافي =وقسـم بـرب البريـه
عاصي الشعار عاصي= لامفـر ولامناصـي
إصخريلي يالعواصي= من جهات ومن نحيـه
الشاعر لاما تبدّاء= عيب(ن) عليـه ايتـردا
من كلامن له إيعـدًاء= بالحـروف الأبجديـه
الشاعر قد المقامـه= لختلـف فعلـه كلامـه
عاره إبصمـة إبهامـه =يارياجيـل الحميـه
الشاعر وافي الخصايل =باترالحـد السلايـل
ولفقر كسب التحايـل= ل لحقـوق إمطالبيـه
نفسي اللي طاوعتني= ماني بلـي وهقتنـي
سيفي وترسي ومتنـي= ياذعاذيـع العذيـه
الفرايد بالقصايـد =يقحطـان ويـال زايـد
وياوسيعيـن البنايـد =بالبراهيـن النقـيـه
يشهـد الله ولقبايـل =والأصيلـه للأصايـل
إعتـدل ياخـط مايـل= ولقيـاده عالمـيـه
رب الفلق رب الناسي= موجد أجبال الرواسي
وحمد الله وشواسي= مـن جـدودي الأوليـه
الشجاعه ولمناعه =طاعـة محمـد وتباعـه
لاتعارض في نزاعه= ولغـرق طـم الطميـه
من رجاء خير الخلايق =يحتسب غدر وبوايق
مانحسـب للعلايـق= يالشواهيـق الزميـه
ركني وكنزي رصيدي= عالم أسراري وكيدي
فضله اللي يستزيدي =أحمده صبح وعشيـه
النيـه ساسـك مـقـرك= يافـتـى لله درك
تبي حياتك اتسـرك= صـف النيـه الخفيـه
الكفالات الغرميـه =الحـذر وسمـع وصيـه
مثل نقال الرميّـه= تاتـي الحسنـى إبسيـه
احفظ مالك في شبابك= حتى الرياجيل إتهابك
في واجبهم ينتخابك= محتمـي تـال التليـه
لو استرسلت القوافي= من بحور العين صافي
لغرق إجبـال وفيافـي= بالقوافـي العصيـه
أحمد الله دون حدي =ونابن صالـح تحـدي
محزمي ياصلب جدي= لاحظر يـوم العزيـه
من جحادر من نوادر =وقحطان إبهم إنفاخـر
كابر(ن) من روس أكابر= ولبراهين الجليـه
إقحطان التاج عزي= ننزح الجمـع وينـزّي
زلزلي يالأرض هزي= وقسم إبربـي عليـه
ولقبايل بالفعايل= كلـن بـه حقـه وطايـل
من شعوب ومن فصايل= رادت الله ولمشيـه
عاصي الشعراء العلياني
عبدالله بن فراج بن شويمي العليان قحطان
الرجوع الى أعلى الصفحة اذهب الى الأسفل
فيصل عبدالله العلياني
الأداره
الأداره
avatar

الدولة : السعودية
تاريخ التسجيل : 24/07/2010
عدد المساهمات : 1563

مُساهمةموضوع: رد: (إقحطان التاج عزي ننزح الجمـع وينزي)   الجمعة أبريل 29, 2016 9:32 am


((حنا بني قحطان وحنا المخابيط))
حنا بني قحطان وحنـا المخابيـط=نزل الصواعق في الشوامخ إتوطِّي
مولود نا مفطوم سعط الصعاعيـط=صعط الجنون المستجنـه سعطِِّـي
الله وكبـر لانـوانـا زعاطـيـط=يشعق بهم خطف النظر ما تفطِِّـي
من فوق نجم إنجومهم بالنواويـط=محدن ايجارينا علا غيـر شطِِّـي
لو يمتثل عزران قـدم الشواويـط=ياتـي وهـط ذيدانّـا ولشوطـي
لاولذي رتـب احـروف التناقيـط=قوس القزح لا ما لمح رمز خطـي
فضل الولي جزل العطا يل حلا حيط=مانحسب حساب الجحلّط جحطـي
حنا لهم ظنك الحيـاه الشطاحيـط=نشطح بهم رغم الشطح مستشطي
درب الهدى ياتي قـدا بالتعابيـط=شرشورنـا بيماننـا ل لعبـطّـي
مندون حـد اسلومنـا بالقراريـط=نذرن ولا قيـراط يمكـن إيقطـي
الطير فيه البوم و فيـه الشبابيـط=وفيه الهداهـد والقطامـى يعطِِّـي
ياما حلا كـاس المنايـا قراعيـط=لو بلمثل بالضيط يـوم استظطـي
ماهوب كلام اوهام وشلّة زلاليـط=زط البزانـس للعوانـس تزطِِّـي
البادي بحتفه عـاري بالشناقيـط=فبرايـر وتمـوز وبشبـاط نطِِّـي
العاديـات الغايـرات المرابـيـط=نرخي مصاريع السبق مـا نبطِِّـي
الرجوع الى أعلى الصفحة اذهب الى الأسفل
فيصل عبدالله العلياني
الأداره
الأداره
avatar

الدولة : السعودية
تاريخ التسجيل : 24/07/2010
عدد المساهمات : 1563

مُساهمةموضوع: رد: (إقحطان التاج عزي ننزح الجمـع وينزي)   الجمعة أبريل 29, 2016 9:42 am


(جحادر من أوائلنا غنيًينن عن التعريف)
ألا ياشيوخنا يانجومنا وللاش جاه الحيف = تغيظ أفعالكم بيمانكم كبده ومحتاسي
تطم ابحوركم موج البحور الطاميه بالسيف =شعاع الشمس ولبرهان والتاريخ نبراسي
جحادر من اوائلنا غنيينن عن التعريف=ومنه (و)جاهلن نجهل على جهله بنوماسي
جحادرمن يكابر يكسر إبجو السما ويعيف= لذيذ النوم والصارم يصرًخ كف لخماسي
جحادر كابر إل كابر نبرهن صحة التزييف= فصيلة دمًنا موروث يتعب كل دراسي
جحادر ورفع إيميني فناجيل اللقاء والكيف =يورًدها على حوض المنايا كل شواسي
جحادر يشهد الله مابخسنا الكيل والتطفيف=شهرنا وعتمرنا والجحادر قوة الباسي
ألا يلعن يهود إبليس في التوراة بالتحريف =نعوذ بربًنا ويجظ مناً جنًه وناسي
بفضل الله معطينا ومنذرنا من التسريف=بحق الله وحدوده نحطم كل مقياسي
وهبنا الله جليل الملك قحطان الشرف والهيف= نبيد إكبارهم وجزالهم لومابهم باسي
نضيم الضد دون الحد بمضيم الشرف تشريف =صواعقنا تنكًس بالثرى والشامخ الراسي
لك الله دون حد الجار والخوًه من التعنيف=ثلاث إسلوم بكتابه على بابه وحرًاسي
وجميع إشيوخ قحطان وجحادر ومحلف والريف=ومنه(و)بالقرى ساكن قبايل ماني إبناسي
لك الله قد وهبهم بالعطى ساق المزن والغيث = فصايل من قبايل من شعوب العرب وجناسي
( ساسي تحدي ولوسام إبعبيده)
قالو لك السمعه في جمله مفيده = مع الوسام للي عليـه الكلامـي
قلت الوسام اللي خلقنا عبيـده = ركني وكنزي واحد(ن)ماينامـي
أرجي ثوابه ولبلا مـن وعيـده = مستمسك الوثقى مافيه إنفصامي
ساسي تحدي ولوسـام إبعبيـده = ويا الجحادر متعبيـن الأنامـي
ووجيه عبد للًه رواسي صميـده = لاشرشرالبارق بيـوم الظلامـي
إعضودنا بحباب قوم(ن) عنيـده = لاغيًمت ثم أقبلـت بالعسامـي
يشهد لي الله ولخلايق شهيـده = أرفع يميني مستعـد السلامـي
حناً بني مضيم المباني مشيـده = قحطان طول أزمان تاج أ وسامي
وكل القبايـل بالفعايـل حميـده = كلًن علا فرضه وشهر الصيامي
لاكن بني مضيم التحدي نكيـده = حناً بني مضيم الخطرولعدامـي
عبر المجالس ولأشاوس تزيـده = يرسل وهمًل من سماه الغمامـي
رايـد ورواد إقحطـان التليـده = كلًن علا حـدًه بحـد السهامـي
مشاري النملان ومنهو ضديـده = يشهد لي الله ولرجال الخصامي
ساق الركايب وقترب له بعيـده = أرخى مصاريع السبق ولخطامي
بعد العنى سطًر لناحجت إييـده = فلًي مضا ولحاضر وكل عامـي
يالله عسى يومه سنينن مديـده = تاريخنا شمس (ن) وبدر التمامي
من لامني يبلابنا فـي الطريـده = موجي يطم أمواج بحر الزوامي
يسلم بن نملان مشاري وزيـده = الله يعـزك ياعزيـز المقامـي
قالو تأكًد قلت عبـر القصيـده = الله يجيره من عيون الحرامـي
مرسوم مني وستلـم ياعميـده = من الرواة من الثقات الكرامـي
(مطانيخ أولاهي مشكلتنا)
ترانا بني مضيم الصناديد=رواسي ليا منها بلتنا
بني مضيم لاعنتر ولا زيد=صواعق سماناحكمتنا
علا الشايب المعروف توكيد=جميع القبايل مجهلتنا
ولا قبلنا في العرب تحديد=لبس تاج كسرى من جهتنا
علا المنذرالنعمان له سيد=صواريم بقعا صيرتنا
نطم البحور ونطوي البيد=وصكات بقعا مقهرتنا
وكل القبايل تكسب الجيد =او بني مضيم ميز ه ميزتنا
رواصد شهابه رجمنا ايبيد =او نشعق جهنم مشعقتنا
ليا فار مر العادي ايزيد =مطانيخ او لاهي مشكلتنا
نوطي عليهم شر توطيد =رواسي عليهم ماعلتنا
وهبنا جليل الملك تحديد =وحد السما من منزلتنا
جنود الزواحف رشها ريد=علا اهون وسيله لنتوتنا
انجندل عصي الراس تمديد=جنون البشر ماكايدتنا
نشيد علو العز تشييد =براهين تثبت راويتنا
وجميع الجنون العاصيه كيد =فراعينهم قد عاهدتنا
ومن لامني ياتيلنا صيد=ثنادي جوازيهم حدتنا
ومن عاصي الشعار تعميد =صخر القوافي لا طرتنا
(للوطن والدين وكتاب الأمجادي)
ابتدي باسم الولي والله البادي =عالم اسرار النوايا وخافيها
بالعلوم الطايله قافها صادي=من جميع الحاضره مع بواديها
حن بني مضيم القبايل والأشهادي = والدلايل بيضًت وجه راعيها
حن سيوف الحق ياقوم بن عادي=حن رواسي للبسيطه نرسيها
والموارد والمصادر والأرصادي= من سوابع مستحيلات ثاميها
حن عيال العودوطويق منقادي= حن صواعق للشوامخ نفضيها
للوطن والدين وكتاب الأمجادي= والمليك اللي على الشرع بانيها
حن رواصد بالشهب عمد وعمادي=لاشعق خطف النظر من سماويها
والقبايل كلهم مابهم رادي= والغرق طم البحور وسيافيها
يشهد الله والقبايل والأجوادي= حن بني قحطان حامين تاليها
حن جهنم تصطلي نار وقادي= لالكفر وهل الفجر نكًسوفيها
الله اكبر لاحدى صوته الحادي =المصايب جرعها سل سلابيها
ولأنوف الراغمه حدرت وادي =رادت الله شا ئته صح راويها
والحرايب عندنا عيد وجهادي= نرهب ارهاب الشراذم ومغويها
ون حدى حادي على قدح وزنادي=والله إنها عندنـا مـن مناويهـا
(((لنا القمة العلياء على طول تمديد)))
سـلامـي عليـكـم يالـرجـال الصـنـاديـد=عدد من يطوف البيـت وبليـس ملعـون
عـلا كـل طـارئ نطـرق البـاب توكيـد=يجـاوب ردود القـاف لوكـان مشطـون
علا أمري وطوعي ولنحـوزاد تجويـد=يشمًـع بـه الطايرعـلا الركـن مـركـون
لـنـا القـمًـة العلـيـا عــلا طــول تمـديـد=لمـى غيًمـت ثـمً أقبلـت هلًـت إمــزون
قحاطيـن خـيـر وشــر ولجـنـدل البـيـد=محيـل المحالـه بـاذن ربـي لنـا يـهـون
ليـا حلًـت الساعـه علـى بحـور مدريـد=فـلا كـل منهـو لاغــرق مـثـل ذالـنـون
يسـبًـح بحـمـد الــرب رجــواه تمجـيـد=وهو في بطن حوت البحر وش تقولون
وهـو فـي ثـلاث أظـلام ليـل الغـداريـد=مابيـن الرجـى وليـاس ولكـاف ولنـون
سقى الله هجرة مويسل مع أم قويع وهل ذقان
سقى الله هجرة مويسل مع أم قويع وهل إذقان = سقى الله ديرتن فيها شموخ العز وعلامه
لياماحلًت الساعه صواعيق الخطر ودًان= قيافت كل مناً برهنت بفعال هندامه
لياماحلًت العزوه بصالح ولعدوإمهان =لك الله من توانا ولعدو مكتوع بخطامه
تقول إخبولنا وقت الرخى مافيهم الصنيان = أولاما زعزعو صالح يثبت شامخ الهامه
نحطم من مجاديفه على دش البحر شفقان = ومنهو دش بحر الغوص يلقى الموج قدامه
ولو كنوز قارون الكفر معهم ولاهامان =ولافرعون وجنوده ولاشارون وزلامه
طناخة روسنا في دمًنا يالاد بن وظبان =نسينا شيخنا الفاضل وبن ماجه وعلاًمه
على ماغيمتبه ولدلايل تثبت البرهان =سلايل شبل صالح ولشبل من راس ضرغامه
ترانا من جحادر من بني مضيم الخطر قحطان= على كل البرايا رادت الله مالهم لامه
وهبنا الله على كل البرايا غرقهم طوفان= شهرت السيف لبتر وبو عنتر دون مرسامه
ترى كل القبايل بالفعايل مالهم نسيان =لك الله كل منهم يشهر التاريخ بوسامه
(شيخ إقحطان اللي شهيد الغـزاوي)
يازين بدع القاف في راس مرقـاب=إليا نظمته فـي إقحطـان اللقـاوي
ياماحلا ريشة ذهـب ولذهـب ذاب=يكتب بها شاعر اولاهـوب غـاوي
يكتب بهاشاعـر عناويـن بكتـاب=حنا بني مضيم الصحيح الـرواوي
لمري وطوعي حظّر القاف ما غاب=يالله دخيلك مـن جميـع المسـاوي
حنا دواءللدّأ علا طب (ل) طبـاب=سـم الـدوا ولـدّأ يسـم المـداوي
حنا أصول الدين وصو ل الأنساب=دون الخوي ولجار وللـي جـلاوي
نضرب ولنسمّي بلاشـك مرتـاب=نلـوي علالـوي اللوالـي مـلاوي
تلألأاللؤلـؤ عـلا عقـد لصحـاب=عقـد الحديبيًـه يجـب الدعـاوي
صـم الحديدإبشائـة الله لنـاقـاب=قوسيـن ودنـى يابعيـد الهقـاوي
الله وكبرلارفـع صوتـه أوطـاب=صم الهدى ياتـي قـدى مانـراوي
من ناصر الدعوه مع الشيخ وهـاب=الفيصلـي نجمـه تعـلاً حـداوي
والشيخ هادي له تواريخ وحزاب=شيخ إقحطان اللي شهيد الغـزاوي
في معركة لتراك ومصر الذي خاب=قوًه صطيـه جـت لنـا بالمنـاوي
ماتستوي روضة محمد ولصحـاب=وهل الطقوس وهل النفوس الخزاوي
حنا دهاة الحرب والضد منصـاب=يالحنبلي يالشافعـي كـم نسـاوي
ميًه علاميًه علـى رغـم لعـراب=صح الصحيح الترمذي وبن جـاوي
وكل القبايل من صناديـد لشنـاب=كل(ن) على حده شجيـع وفـداوي
((ترى المراجل ماتجـي بالتساهيـل))
يبخيت ليتني ليت ياحـول ياحيـل = أولاعاد مسرى يم قاضـي تنومـه
ماينفـع التمثيـل وفلـم التماثيـل = أولا ينفع التظليل ومنهـو يرومـه
ابو الحكم وللا بـلاش الرياجيـل= وللا الشجاع الي يجب الخصومـه
نعـم الأمانـه والأمانـه مثاقيـل = دون الأمانه حد وهاذي اسلومـه
وللا البخت سعدك تبداء كما اسهيل = يضحك احجاجك لالفولـه اقرومـه
والله يلولا العود نوفي لـه القيـل = الشايب الي حق فرضه وصومـه
حقه علينـا فـي ليـام المقابيـل = ابـو مشبـب كلنـا فـي لزومـه
مانعتنـي يمـه ولابـه مراسيـل = من بينّا شيطـان ركّـز ارجومـه
ترى المراجل ماتجـي بالتساهيـل= ياكود منهـو نفّـذ الهـا كمومـه
اهدا خاص للجحادرو قحطان ولكل قاريء كريم
لاتـحـسبن عقلك عـن لشرينجيك=لاصـاردون أخيـارشـمـس(ن) شـريـقـه
اللي مـحـبـتـهـم إبحبه يـــراضيك=يــرجـي نـهـار فـيه يـشـرق إبريقـه
لازاغــت الأذهـان ذولي وذوليك=كــلــن مــع قــومــه يشجع فـريــقـه
مـاهـوب لامـن قـل مـافي أياديـك=ابـعـد مــزاره يــاخـسارة صـديــقـه
دوك الخبر عـبـر الأثـركان ينبيك=فـارس بني مـسروق إسمه سريـقـه
لازلّـت الأقـــدام مــحـد يـواسـيـك=نـارن تـلـظـى مــن جـهـنم حـريـقـه
لاتـرتـجي مخلوق حـذرا حـذاريك=لاتخوض في روض الزنادق زنيقه
تصبح جبان مهان بـانـت مساويك=فـي كـل وادي تـايهن فـي طــريـقـه
ولـعـن مــن المـلعـون مـنـه يرائيك=جــهـر الـعبـاده لــه إراده عـمـيـقـه
ولـمـنـكر الـلي أنـكره مـايـنـاجـيـك=يـحـمـل بـعـد لسـفـارحـمـلـه يـطيقـه
ولـنـيـه اللي مـابـها شـوب شـابيـك=ابـحربـدون شـراع مـنـجي غـريـقـه
لاتـحـتـزم بـحـزام فـرخ البلاجـيـك=أخـلـف مـن لطـاووس ريشه بـريقـه
إلـن حـصل من دون حدك إيماريك=لـبـا شـيـاطـيـن الخطـر ولـمـعـيـقــه
جـرع المصايب كـنـها كاس يسقيك=مـن جـنـت الـفـردوس يـغبق غبيقـه
لاتـرجـوي المحتاج ولـورد مضنيك=تصبح مـنـافــق مــن صفات لنفيـقه
لاتـفـضـح المبلي عـسا الله يعافيـك=يـاتـيـك مـايـخطـيك ولـبسك تـلـيـقـه
إمّـارحـمـك الله مــن لذنـب يـخطيك=مـخـطـا عـن ثـمـارك ثـوانـي دقيقه
صكات بـقـعا صلفـقـتـني يـاعـيـنـيك=وشـناب غـيري من رواسي شهيقه
المـال قــوه ولشفاعــه كـمــا لشـيـك=راحـوخـبـر مـاضي علاهون تريقه
كــل الـقـرابــه ولـرفـاقـه صعــالـيـك=كـلّـن تــخـفّـا مـــن إرمــاح زريـقه
الحمد ل لله وشـكـره ولسـبـب تـيــك=مـاقد رجـيـت لخلق ودوك الحقيقه
آيـات ربـي فـي لحـرايــب مـغـازيـك=مــع العـقـيـده مــارجيـت الـخـليـقه
عــززنـي الله شـعلـلت لـي لـتـاريـك=يوضي سنا لبارق اويوضي شعيقه
كــلـّـن تـهـوّل ثــم تـحـوّل سـرامـيـك=فـــن الـعــمـارإطـراز دقّـه دقـيـقـه
لتـعايــش الحــيلات أتــلالـرجـا فـيـك=كـمّـن شنـب لاباس نـغـمـة مسيـقه
نـفسـك تـسـولـك عــلاكــل طــاريــك=إكـبـح جماح النفس لـوهي طفيـقـه
خـايـف عـقـابـه تـرتـجـيـلـه اويعطيك=يـنجيك ربـك مــن بـلاوي سحـيـقه
ماخـاب ظـنـك حـقّـق الله حسـانــيـك=نـورلسّعد شـعـشع وجـيـهن طـليقه
مــن عــاصي الشعـارولـحرب تكتيك=صـم الهـدا يـاتــي قـدا لـه طـويـقـه
((من كان شعره يرجي لناس تبجيل))
قال الذي رسّاعلا شاطــي النيــل=وبـحـر بــدون شــراع عــزم وقناعه
مـاهــوب كــلام مهذرويـن لأقـاويــل=ســردلـكـلام لـلـي يـــضـيــق لتساعه
عاصي عـلا لشعار لاطفح لكيــل=وثــنـي عــلالـمـكـيــال مــده وصاعه
آيات ربـي شـرشـرتهم تـفاصيــل=الــعــاتـــي لــجــبــار يـاتــي رعاعه
يـامـا حـلاسبع المـثـانـي تــراتيــل=فـي مـصـحـف لـتـنزيل جودوبراعه
أهـل الكتاب لــلي لهم كنز لنجيــل=ومـــة مـحـمـد بـلـوســيـلــه شفـاعـه
وهل الكفر وهل الفجرطيرأبابيــل=أهـل لطغـى صـاروكعصف لـمــجاعــه
من كان شعره يرجي لناس تبجيل=تـبـقـى حـيـاتــه يــاشـمـاتــة خزاعه
ماكل شـاعر صادق الفعل بالقيــل=مـثـل الـفـلـق لاما غسق في رفــاعه
أولاكــل شـاعــر لاتـبـدا تـهـاويــل=لاغـيـمـت ثـم أقـبـلت ظرف ساعه
أولاكل شاعـر حلــل لقاف تحليــل=كــوعـه وبـوعـه يـابـعـيد الشساعه
أولاكــل شــاعـرعـدل لميل تعديـل=أولاكـل شــاعــر بــالخنا ولـد ناعه
مايـمـتـكن لــوأستـجن وظــلم اليـل=كـلـن عــلـى طـبـعـه يـبـين إرتباعه
درعــي وسيفي فــي لـيـام المقابيـل=احـكـام ربــي حـدســيـف القطاعه
واحــد احـد فــرد صمد يـاريـاجيـ ل =كـنـزي ورصـدي ولطمع ولطماعه
قـلــتـه ونـلعـاصـي عـلاكـل حلحيـل=وعاصي علالشعاروعندي شجاعه
المـنـتحرلجـل الخطرحمـله إيـشـيـل=أولايطلب لفـزعت شجيع لجمـاعه
(حنا بني قحطـان ماضدناضـد)
من عاصي الشعارفي ساعة الجد = تعبيرشاعروالوفاء مـن سجاتـه
ركني هو الي نعبـده ون تهجـد = موجدلنابحـرالأجـاج اوفـراتـه
والسبع الي فـي العلالـي تأكًد= تهدي سرات الليل بربـع جهاتـه
محـد ن يردالسيـل لاحجرالسـد = ترى الرجم معلوم سبع احصماته
الياذكرتـك ياسـعـد مـاتـردد = سلطانهم بعمـان قابـوس ذاتـه
اسمع وصاتـي ياسعدوحذرالصـد = ماخيب الله من دعا فـي صلاتـه
ياعل من يزعـل عليـك ايتمـدد = من معبرالشبـاب فـارق حياتـه
ياعـل مـن كدرمزاجـك تعمـد = فيه الرزالـه والنذالـه صفاتـه
لجل الرداران زادسرعـه يحـدد = لاكــن عبرلقمارمجداوقنـاتـه
احلى على المليار عداعلى العـد = وصرف بدون اخلاف وظهرزكاته
ماينفعك مجبـور جنـدي مجنـد = ذيب المساري والغـداري طراتـه
نظم القوافي هوزت حـرف الابجد = الترمذي والبحتري مـن رواتـه
صح لصحيح وصح كسره مع لشد = مع غنة الادغـام ندغـم غناتـه
استرسلت لي مزنهاورعد ارعـد = هله على حيـان طـم افحواتـه
يامـا حلـى ذاك الزهرلاتـجـدد = يسريبي الهاجوس حامي حصاتـه
يوم اخلفوشرواه جـاه النصـررد = يضرب لنا تاريخ غـزو الرماتـه
مامنهـم الحسـان ثابـت ولانـد = صيرفحاحيـل القوافـي رفـاتـه
حنابنـي قحطـان ماضدنـاضـد = ونابن صالح ولعدو فـي عماتـه
اصــل الخطرمخطورمنـاولابـد = يدفع لنا الجزيـه ويثبـت براتـه
ماينفـع التمثيـل للـي تـفـرد = ساسه هوان وعان يلعن غواتـه
وكبح جماح النفس يكفي على الزد = ام الدبليوقـال كــم اشتـراتـه
واقول له هيهات كاشي على النقد = اوشبل الاسد معلوم حنـا جناتـه
المختلف لو اختلـف ليـن يركـد = صافي قـراره والنعـاره نواتـه
من هدطيره في ظباب السماء رد = ياخيبـة الـي يرتجيـه اوعناتـه
الكبتـن الـي كبتـن الجوماشـد = ماحزم حـزام الامـان النجاتـه
لاماهدر من الفـدر صـار يزبـد = الله وكبـر لاتـوسـد الهـاتـه
لاجاء خبر للمعتبر ياخلـف كـد = المنتحتر لجل الخطر وش حلاتـه
البادي اظلـم يشهـد الله ونشهـد = من راس عالي سهله في وطاتـه
ياماحـلا ترتيـل قـاري مجـود = سبع المثاني لا جهرفـي قراتـه
وختم جوابي من درايـر زبرجـد = هـل هـوأذا أو هاكـذا أوكذاتـه
(ساسي تحتدي كان علان وفـلان )
إيقول ابو فراج ولراس صنيـان = لاذعذع الغربي مصيف البرادي
قلته ونلعاصي علا كل عجـلان = لاحلّت الساعه ايجيـه ارتعـادي
اعرف مواريد الصدر عند وردان = ولوي ملاوي ماجرت ياسنـادي
ساسي تحتدي كان علان وفـلان = يصبر على الهونا نهار التنـادي
فضل الولي ربي علا كل من كان= لاحلت البلوا فـوارس إطـرادي
خيالة الجدعا عـلا كـل منهـان = حنا الجحادر بالتحدي وكادي
وقحطان طول ازمان لاهل ودّان = حنا بني مضيم التحدي اعنـادي
ولحمد الله صار حكـام ويمـان =ومن يخطي ادروب السنع للنفادي
(يلعن الله من يجامل مع إبليس المريـد)
ابتدي بسم الولي وصرف القاف الفريد = من ذهب ولماس عقده يشعشع با لعقد
فن زعلتو بعتذر ولعـذر منكـم أكيـد = شعل لوها ورسلوها كمـا هـل البـرد
الأسد لوهو مكبـل مجنـزر بلحديـد= الجبل راسي وشامخ كما جبـل أحـد
ولله إني عاصين ساسي وراسي عنيد= وعاصي الشعار ولوي مصاريع المرد
الفتـى لامابـدا دون حـده مايحيـد = يحتمي حده وحـد الخـوي ويعتمـد
العواصف طلوحت بنقره مع من دريد = ولرياسه نكّست عاصي الله في الجلـد
كل منهو شايف إنه علا عنتـر وزيـد= الجمـوع النازحـه زودوهـا بالمـدد
المثل قال المثل عاقل العقـل العميـد = من عقلها يتّكل واحد(ن) فرد(ن) صمد
ولله إني حاسبن كـل جملـه ماتفيـد = حاسب حسابي من اللي عسا عينه رمد
يلعن الله من يجامل مع إبليس المريـد = يلعن الله بولهب وم حبلن مـن مسـد
من يطيب إ لنا نجيله علاطيبـه نزيـد= احلا من الحالي بدر المصاغيرالشهـد
(حي علا الواجب إفروض الصلاتي)
الله وكبر جميع الخلـق شتـان=كل الجموع إبجمعهم ل لشتاتـي
الله وكبرمجيب الداعـي وحـان=حي علا الواجب إفروض الصلاتي
الله وكبر عالم أسـرار ل نسـان=حسب النوايا طوًقـه بالنجاتـي
الله وكبر موجـد لولوومرجـان=كلًن علا زنـده إبزنـد الزناتـي
الله وكبر موجد البـرزخ وعـان=ملح وأجاج وهاذا عذب الفراتـي
لآولًذي منـزل تبـارك القـرآن=فرصه ثمينه في حياة ومماتي
((الرفقه اللي بالدواكير تمثال))
الله وكبـر كـل ماهـل همّـال = وليا قبل إنحييـه سيلـه يجـره
أولا غيمت ثم أقبلت بالتمشكـال = ما قـدر الوالـي علينـا ممـره
نرسي لها رسي الشوامخ تزلزال= في يوم عاصف طلوحت بالغيرّه
ماني براوي ولهقاوي علا الجال= طروقي إمخلات اولاهي مغـره
دارت بي الدنيا علا غير منوال= في يوم عاصف وعتمدني إبشره
هليت ماوانيت مسرور في الحال =هو عزوتي في كربتي ولمضره
رجواي فللي يعلم السر ولحـال=كلن لـه النيـه إتحـدد مسـره
من عزه الله ماتعـزز بـلازوال= ومن ذلـه الله ياحيـاة الخسـره
يجزا الشدايد هيضتني بالامثـال = دوك القوافي من خوافـي تفـره
حل السطر بي يارياجيل لشكال = المشكل الزيـزوم بفعلـه يـدره
محد ن عنالي ولبحر هوله أهوال = مع الأسـود إبقسـوره للمفـره
صير قوي الباس تقصر له حبال = وناحمد الله صلب جـدي مقـره
نزل الصواعق ولرواسي لناجبال = لاهلت نجوم الشهـب ماتضـره
والله لاماريبه علا طول لجيـال = ولانـي بقـوال بكثـر الهـذرّه
قلته ونا العاصي علا كل محتال = من عايش الحيلات إبفقره يصره
من قلت إعزومه فلا هوب رجال = ولايفتخر بين الرياجيـل مـره
من لايغامـر ماتجيلـه تسهـال = يصبر علا ماجاه إبغبن أوممـره
الرفقه اللـي بالدواكيـر تمثـال = مثل الجبان مهان كلـن يـزرّه
والرفقه اللي مالها ساس تنهـال= مثل السراب اللي صعيبن مقـرًه
ماهي سوالف ليل دله أوفنجـال=ثم الحـلا بعـده فناجيـل مـرّه
أهل المصالح بالبزانس تحفّـال =وليا عتذرتـه أبتدالـك إبشـره
أهل عشا عابر وضحك التعلال = وليا أختلف وياك لجـل المبـره
الله ذرانا ولذرا عـز وضـلال= ولله لعبر لـو حصلـي تشـره
يالله يامنـزل تبـارك ولانفـال= أطلب بجاهك له حيـاة ومسـرًه
(سلامي علا الربان قبطان لإخوان)
سلامـي علاالربـان قبطـان لإخـوان = بعد غرقت الطوفان لزعيـط ومعيـط
علالشايب اللـي أبحربهـم وراعمـان = ورسّـا مجاديفـه علاشاطـي الظيـط
جحادر تنزّل من سمانـا خبـر كـان = صواعق علاروس الشواهق مخابيـط
قحاطين حطين الأشـاوس القحطـان = بني مضيم رغم اكبارهـم والفطافيـط
وسام الشرف ولنوط في كـل ميـدان = ولاقبلنـا بمضيـم حـازو نـواويـط
وهبنا جليـل الملـك بفعـال برهـان = وجـن الجنـون المستجنـه مرابيـط
وكـل القبايـل لقبلـت هـل هـتّـان = او يوضي سناخطف النظر برقه إيشيط
وحنا كما خطف النظر طـول الأزمـان = وفوق لنجـوم العاليـه مالنـا حيـط
نزلـزل رواسـي شامخـه قوبركـان = نلون ثراهـم بالحمـر دون تخطيـط
علا رايـة التوحيـد ماحـن بشتّـان = علاقلـب واحـد يدحـرون البلاحيـط
علاحكـم بومتعـب مياميـن لأيمـان = ولايمكـن نخـون العهـد يالمراقيـط
((من جحادر نوادر فالبريه ))
ياسلامـي تحيـه مقدريـه=ذرذري يـاذرا ذيـر الـرذا
ياقحطان الشرف يهل الحميه =ولفعايـل صحيـح الترمـذا
نارد احياض كاسات المنيه=نكسر أصنام بوذا ولبذا
ياوسام الشرف نجد العذيـه=ذعذعي ياسما نجـد العـذا
لاعتزينا ببن صالح سويـه =حل فينا الصطر يلعن كـذا
بالفناجيل صـب الشاذليـه =في يمين الصميـدع ياهـذا
من جحادر نوادر فالبريه=تستجن الجنون من القذا
موجنا طم طوفان الطميـه=ولرواسـي لهـا شذًوشـذا
ولمعالم رسـوم البـا بليـه=سحر هاروت وماروت أنبذا
ولقبايل لهـا حـق الحذيـه=من لفانـا لـك الله ماجـذا
(إستعد بيمينك لقحطان)
إستعد ابيمينـك لقحطـان = وهجدوياطواغيـت البشـر
إعتدل ياملـف القيـروان = ونشري ياسما نجد الخبـر
الجنون استجنت بالجنـان = والعلوم الطويلـه تقتصـر
كم شرينا وبعنا من زمـان = والموارد بعيـدات المقـر
مانحزم حزامـات الامـان = ننتحر في للقـاوي ننتحـر
ميًلي ياغصون الخيـزران = ونطقي يامسيقـات الوتـر
مانحسب احساب( ن )للجبـان = لوتوهق يخونبـه الصطـر
زلزلي يلبسيطه بصفهـان = وسفل البصره أدهاء ولأمـر
يانجومن تنكس فا الطمان = والثرياء مع الشمس القمر
إحتزم بقحطـان أولاتهـان = في ذرانا على طول الدهـر
وين كسرا وملك الهرمزان = طلوحوبه عن يمينه عسـر
مايفيدك معان (ن )وستعـان = والروابـع يحققهـا تجـر
ياشموعن تقابس من عمان = أنطفت بعد هبًت من قطـر
(في كفه الميزان يسعـد صباحـه)
قالو خوانك قلت فيهـم صراحـه = ذا ك النداوي يكسر الجو بالحـوم
عايض وعايض تاج راسي وشاحه = ولحمد لله وشكـره دايـم الـدوم
لاولـذي منـزل كتابـه فصاحـه = دينن ودنيا معتلينـا عـلا علـوم
حضرة فضيلة شيخ صافي قراحـه = آيات ربـي حطمـت كـل دبلـوم
في كفه الميزان يسعـد صباحـه = مكه وطيبـه ولتهاليـل ولصـوم
وليا زهمته خص دلـوه وماحـه = اعرف نوايـاه الخفيـه ومعلـوم
ياما وياما فـات راحـو براحـه = أهبو هبيتـو يالدواكيـر بجـروم
من خلقته ماقد سمعـت بمزاحـه= مايستوي حر النداوي مـع البـوم
ماكل منهو لاعثـر فـي مطاحـه = طاح وتكسر ولنصايب له رجـوم
الحر ياقع في لشبك فـي فياحـه = يطرب له الصنديد مع كل شغمـوم
من لامني في مسندي ولسماحـه = تغدربه الخـلان وحادينـه القـوم
فرعون يعرض في صباح ورواحه = ويوم القيامه يدخل النـار مذمـوم
================
(من زمر نزمر زمر والحجاج إن شرًسه)
مرحبا بالمنتـدى وللـي بعـد أسًسـه= والمجالس والاشاوس وحيّو بالصقـور
ياثقات المجـد يامدرسيـن المدرسـه = طاب نضمي للقوافي علا سبع البحـور
ارحبو ثم ارحبـو والشّبـاب إنقبّسـه= ينزي المخباط من وقعنا شرشرشـرور
فضل ربي رغم كل الوجيـه المعبسـه = ياعلم مرفوع من فوق هامات القصور
العلـوم الطايلـه بختصـار الفلفسـه= والهذر لم الكبر والكبـر لـم الغـرور
الشجيع الي شجيعـ (ن )لسانـه يحبسـه= كم كلام (ن) يفلت بصاحبـه يـم القبـور
الفتى قلبـه وعقلـه وفكـره كرّسـه= والخشونه والرعونه علا الرجل الغيور
لايمي خايب وعايـب ودينـه مفلسـه = شاف غبنه من قريبه لاحساس ولاشعور
ولجبان اللي مؤكـد بنفسـك لعمسـه = شربك لسالب بموجب ولا تعطيه شـور
من زمر نزمر زمر والحجاج إن شرًسه= من يطيب إلنا نجيله علا بـذره بـذور
دام لخمس في يميني بكفـي مخمسـه = فضل ربي لادعى ويله ويلات الثبـور
ركني الله وحّد الله بـلاش الغطرسـه = والقلم نون القلم والدهر جمعه دهـور
ولعطايـا بالنوايـا طلاسـم طلمـسـه = فك شفرات الطلاسم بتوحيـد الغفـور
عاصي الشعراء العلياني
أبدي سلامـي وارج إلملعبـه= واصخًر ألمبعـده مرماسهـا

وسحن بواريد شاعر وعطبـه= لجل المعارك حضـر فرًاسهـا
ماكل شاعـر تحقـق مطلبـه= ذيك الفيالق قوي (ن) باسهـا
ذيك النجوم الصواعق مرجبـه= لانكًست في الثرى نكًـا سهـا
لاشربكت نار حربـه تكربـه= تدعس وطيس الحرايب ناسها
دوك القوافي سيوف(ن) محدبه= خطف النظر لاشعـق قبًاسهـا
بعض الًشعاعيير ودًك تتربـه= مع لحيته ولشنـب بمواسهـا
إن كان شعري ماطاب مشربه= ومن المصاغير فيًض طاسهـا
يامستحق إل طعـام المسغبـه= بعض المصايب تجي جسًاسها
وللي حنث يلزمه فك ً إ رقبـه= وللاً صيام إشهرين إبكاسهـا
الحنبلي حنبلـي فـي مذهبـه= والشافعيه رهيف إحساسهـا
سبحان مجري ومرسي مركبه= وذيك الحباري لهـا قرناسهـا
قاله عصي القوافـي تطربـه= بن لقهـاوي عـلا حمًاسهـا
إليا أرتجلت القوافـي تعطبـه= دامـت يمينـي علاترباسهـا
يالله ترحم صحـاري مجدبـه= غب البحور أغرقت غطاسهـا
(قحطان طوفانهم طوفان )
اول كلامي رجـم شيطـان=وبليـس جنـده تمرسلهـم
عندي لهـم آيـة القـرآن=آيـات ربـي تشرشـرهـم
الله عطانـا بنـي قحطـان=ميـزه وجيـزه تميـزهـم
فضل الولي ربنـا سبحـان=نقهـر فواسـق رذايلـهـم
رمز التحدي عبر الأ زمـان=انضيمهـم مـا نعبـرهـم
رمز التحدي عـلا العـدوان=ويـا عبيـده جحـادرهـم
جزل الوهايب عـلا ماكـان=عبـره انوطـي فراعنهـم
قبل الغـرق جالهـم تبيـان=اول نبـي مـن ايذكـرهـم
المعترف اشجـع الشجعـان=قحطـان ربـي مفضلـهـم
قولي دليلي مـع العربـان=والعلم يكشـف خسايرهـم
بعد الجهل عمنـا الإيمـان=صـار التطـور يطـورهـم
حسب النوايا غفـل غفـلان=تقصر اشبـوره يشابرهـم
ماكل شاعـر ليامـا بـان=ياصـل ويقهـر شعايرهـم
رد الجزا بل جـزا لحسـان=حـد الشريعـه تصيـرهـم
بعض المواقف تبي عميـان=قلبـه مايفقـه يسايـرهـم
عندي لهم سورة الرحمـان=سبـع المثانـي حشايرهـم
رمز التحدي عـلا القيمـان=قحطـان تكسـر كواسرهـم
قولـي دليلـي ولا ننهـان=قـدام اعسكـر مسامرهـم
عاصي علا اشعارهم بلعـان=ولعبقـري فـي جرايرهـم
ولـي تبـدا غطـاه الـران=الـران غـطّـا فكايـرهـم
كبش الفدا من حساب الضان=عبـر القوافـي مشاعرهـم
جهالنـا ودهــم تبـيـان=لو قـاف واحـد إيعبرهـم
قلتـه ونلعاصـي البطـران=ذيـب المسـاري يمزرهـم
حنا الزلازل مـع البركـان=مـع الصواعـق ندمرهـم
حسب النواياء تجيك احيان=ارباحهـم لـك تجايـرهـم
إعقل كلامـك قبـل عـلان=تاتـي ثمانـك عشايـرهـم
يلعـن كـذا وارد الالمـان=سرعـه تفجـر توايـرهـم
هاذا مثل يضحـك الخبـلان=وسبر بعيـد إل مغاورهـم
جمع العبيـده لنـا برهـان=وجمع الجحـادر إيشرفهـم
لاتفرقـه بينـنـا مـاكـان=سلـم الخـوارج شرايرهـم
نون والقلم فسّـره صنيـان=سفـر مبـارك يفسـرهـم
وللاّ لشعر عاصي القيفـان=لمري وطوعـي لصخرهـم
قلته ونـا كافـر إبطغيـان=الجبـت ويـا طواغـرهـم
مؤمن بواحـد احـد لاثـان=عالـم خوافـي سرايرهـم
قحطان طول الزمن قحطـان=ولطيـب اصلـه مكاسرهـم
قحطان طوفانهـم طوفـان=فـوق البرايـا منابـرهـم
وختم جوابي علن وعـلان=نذيـر مـنـذر ونـذًرهـم
ياسلامـي تحيـه مقدريـه=ذرذري يـاذرا ذيـر الـرذا
ياقحطان الشرف يهل الحميه=ولفعايل صحيـح الترمـذا
نارد احياض كاسات المنيه=نكسر أصنام بـوذا ولبـذا
ياوسام الشرف نجد العذيـه=ذعذعي ياسما نجـد العـذا
لاعتزينا ببن صالح سويـه=حل فينا الصطر يلعن كـذا
بالفناجيل صـب الشاذليـه=في يمين الصميـدع ياهـذا
من جحادر نوادر فالبريـه=تستجن الجنون مـن القـذا
موجنا طم طوفان الطميـه=ولرواسـي لهـا شذًوشـذا
ولمعالم رسوم البـا بليـه=سحر هاروت وماروت أنبذا
ولقبايل لها حـق الحذيـه=من لفانـا لـك الله ماجـذا
(كذا كذا وللابـلاش الرياجيـل)
كذا كذا ولـلا بـلاش الرياجيـل = جن الجنون العاصيـه تستكـدي
في منتدى عاطف نوادر زحاليـل = فيهـم نـوادر ولنـوادر تعـدي
تسلم يبن جعشان زحل المشاكيل = أغلا تحيـه باليميـن استعـدي
لجلك يبن عايض جتني مراسيـل = استرسلتنـي مزنهـا مستهـدي
نادر ونادر من خيار المحاصيـل =ساسه صلاطين العواطف تحـدي
ساق الركايب ماتوانا به الحيـل = المنتحـي والمهتـوي مايـردي
ارخى مصاريع السبق ياهل الخيل = رد الخبر يـوم نتواهـم بـردي
لي الفخر به وفتخربه على طيـل = نجم(ن) تعلا ون سرينـا يقـدي
طالت بن عاطف لنا عز بالحيـل = ونبن صالح سلم جـدي وحـدي
يفداه منهو قد توانا بـه الحيـل = صم الهدا ياتـي قـدى بالتعـدي
فلي مضا ولي بعد في المقابيـل = الله وكبـر ولنظـر مجـرهـدي
الله يجيره من عيـون الدرابيـل = الي لهم ظغنات حسـد وحقـدّي
لمري وطوعي حضر القاف تنزيل = نضم القوافي حضرتلي على الدًي
عاصي الشعراء العلياني
الرجوع الى أعلى الصفحة اذهب الى الأسفل
فيصل عبدالله العلياني
الأداره
الأداره
avatar

الدولة : السعودية
تاريخ التسجيل : 24/07/2010
عدد المساهمات : 1563

مُساهمةموضوع: رد: (إقحطان التاج عزي ننزح الجمـع وينزي)   الجمعة مايو 27, 2016 3:32 am

بسم الله الرحمن الرحيم
((أرحبو ثم ارحبو والنظم زاني))
ارحبوثم ارحبووالنظم زاني=يالحرارللي منازلهم عليًه
في حفل صعب المراس الصيرماني=هونسيبي وبن عمي والعزيه
ياعضيد الشيخ سالم بالبياني =قصدي محمد سعد نذرن عليه
شبل شيخ (ن)عله إبعال الجناني=نسل فارس محتمي تال التليه
فوق صفرا لجموها بالعناني=يرخي صروع السبق فرض وًصيه
للخوي والجاروحقوق العواني=والعوادي ياسنادي جندليه
أقسم بربي ولافينا جباني=وقت ماضينا وحاضرنا سويه
إرتعي بيماننا يم النساني = يانسانيس العطايا فالبريه
كانها باالعلم يلي طيلباني = نفلج القاضي علا حكم القضيه
كانها لستدرجت فوق السواني =المصايب جرعها كالسلسبيه
لعتزينا ببن صالح في ثواني = رصد ثاقب يشعقه نار(ن)صليه
يستجن الجان مناً باالجناني = يستجن الجان من هول الرزيه
الرواسي بسمنا سروعلاني=بسمنا من قدنا يعطي تحيه
ياحصاة العز والحد إيحداني=يسجد الطاغي على رغمه وحيه
لازهمت آل لجمل ويا قحطاني=والجحادرمن يكابرهم طغيه
الصواعق والزلازل فا الطماني = نكتع الطاغي على رغمه وحيه
لقبل الجمع المدجًج بصفهاني =حن عذاب الموت عزران المنيه
الله أكبرلارفع صوته وحاني=زلزلي يرض البسيطه بصفهيًه
رفرفي يعلامنا فوق المباني=وطرخي بيماننا صبح وعشيه
للوطن والدين بالسبع المثاني=نرهب إرهاب الشراذيم العصيه
دارت الدنيا علا ذيك المحاني =من شمال ومن يمين ومن نحيه
كم نطحت اوجيه ذربين اليماني = في معاني سرها كان وخفيه
والقبايل بالفعايل ماتهاني = حن بني مضيم التحدي والمزيه
يابراثين التطرف كم نعاني = تفتلون وتنقضون السمسميه
حن هل التوحيد والنجم اليماني = ياذعاذيع النسانيس العذيه
عاصي الشعراء العلياني
عبالله بن فراج بن شويمي العلياني
الرجوع الى أعلى الصفحة اذهب الى الأسفل
فيصل عبدالله العلياني
الأداره
الأداره
avatar

الدولة : السعودية
تاريخ التسجيل : 24/07/2010
عدد المساهمات : 1563

مُساهمةموضوع: رد: (إقحطان التاج عزي ننزح الجمـع وينزي)   الجمعة مايو 27, 2016 3:34 am

صلوعلى محمد وآله=عبرالطواريق والحاني
نعوذوبالرب سبحانه=من شرالانسي مع الجاني
من عالي اطويق وجباله=بسم الجحادروقحطاني
في حفل ربعي هل الطاله=في حفلهم كل ديداني
دعوة محمد مع اشباله=نسل الطويل بن سفراني
مبروك يالشيخ وعياله =مبروك ياصلب جداني
ابو سعد والسعد فاله=والشيخ سالم ماينهاني
جدك تحدا بمعداله=دون النشريال ظباني
ماهوبمن تقصراحباله=عبرالدلايل وبرهاني
فارس بني عايض الحاله=رد السرايا والاركاني
فرسان وجموع هياله=دون النشريقهرالجاني
ننطح به اجموع عياله=عند اللقاء رمح وسناني
شاعرعتيبه له اهداله=عبرالطواريق عنواني
يثني على الصاع مكياله =لامارقص كل شيطاني
آلاد صالح بهم حاله=ينتابهم شعف وجناني
يانفخة الصوروهواله=نفخ الصعق هال عزراني
لستدرجت فوق محاله=دارالفلك من علاالساني
مزنن تزبر وهماله=شباب حارق وشراني
دوك الطواريق عماله=حدين بالسيف شاماني
الشعرقوةله ارجاله=يركع لناطاغي ‘إعماني
ولاالخونجي له اعماله=ملعون فرعون هاماني
من لامني يطرم اشلاله=لاصاراشيمط وعلماني
عاصي الشعراء العلياني
===========

(حن هل الطنخات قوًه عالميه)
في حفل صعب لمراس إلكم تحيه =شعشع البارق مزونه مردفاتي
والعلوم الطايلات السرمديه=ًنقصرإطوال الدعاوي والدعاتي
نفلج القاضي على رغمه وحيه=واتحداوالعيون مشققاتي
حن هل الطنخات قوه عالميه=لنصطرنا لعنبودنيا الحياتي
بارك الله فالصقورالصيرميه=من يكابرنسل كابرمايباتي
شيخنا سالم ولانبغي وصيه=ولعضيد محمد العلم الثباتي
كاسب الناموس وفعاله جليه=في سنام المجد مايبغي وصاتي
نكتع الطاغي على رغمه وحيه =وسمنا فوق الرواسي الحصاتي
آل عايض محزمي بيًة نحيه =إطنخي ياروسنا حنا العصاتي
من بني سفران وظبان الحميه=صالحي وجملي ياغناتي
من جحادرمن يكابرناطغيه=من بني قحطان طوفان الطغاتي
ياذعاذيع النسانيس العذيه=خبًري بجموعهم غرب إفحواتي
جده الفارس سعد نذرن عليه=ينزح إجموع السرايا والدهاتي
طاويات البيد وطوال النسيه =إرتعي بيماننا حنا الحماتي
الطويل اللي كسرجمع الغزيه=قاهرالفرسان وجموع الغزاتي
من قبل بقعاء بعد تاتي صبيه=في سنام المجد والعلم الثباتي
الخطرمخطورمنا في مجيه=والعوادي ياسنادي ملجماتي
حن هل الجدعاء ولانقبل خطيه=ماندورللسلامه والنجاتي
إصخري لي يالعواصي العصيه=والقصايدماتعايد محكماتي
نفلج القاضي على رغمه وحيه=حن بني قحطان عزران المماتي
يابني قحطان طوفان البريه =والرواسي والبحورالطامياتي
ياجهنم تصطلي نار صليه=والرزايا والمطايا مرزماتي
الرزايا والطنايا والطميه=والفيافي مبعدات وممحلاتي
والكلام أعلام والعالم دريه=لايمي يبلابنا بمدرفاتي
رفرفي بعلامنا فوق البنيه =الله اكبرفي صباحه والغداتي
لاتفرعن بالتغطرس يالطنيه=حن هل الطنخات مانقبل بتاتي
حن هل الصكات قوالمعنويه=ياعذاب الصافنات الصارخاتي
لاحضرشيطان قحطان الصطيه=لنصطرنا جاخبرنا في القناتي
نكتع الطاغي على رغمه وحيه=ولجنون المستجنه مصبطاتي
ياطيورإحريملاوالثرمديه=ياكذوب مسيلمه ومسيلماتي
لانزلنا ديرة إبليس الاذيه=الشياطين العتاة إمصفداتي
العوادي ياسنادي جندليه=والعزاوي فوق قب المكرماتي
من لفانا يبشرالحق الحذيه=شعلل الشباب روس النايفاتي
حن هل التوحيد وحكام المنيه=يسلم الكافرويسجد للصلاتي
كانها دبلوم عرض العسكريه=الوعد قدام في عرض المشاتي
والعوادي ياسنادي جندليه= والفيالق في صحاري مجدباتي
كانها هيهات صب الشاذليه =مانحسب ببن غانم والزناتي
لولحقنا وقت ماضيهم سويه=أقسم بربي ياتون إلنا رعاتي
للخوي والجاروحقوق العنيه= برهني يفعالنا صح الرواتي
المزايا والرزايا والسجيه =والموارد صادرات وارداتي
صيدنا جزل الجوازي الجزيه=عند فرالقسوره برض الفلاتي
حن بني مضيم الرواسي و البريه =غرقت الطوفان دجله ولفراتي
العواصي بالحروف الابجديه=والبسيطه والرواسي طامياتي
والنسابه أسد غابه والمزيه=لاد عاطف والسلوم مجلياتي
سنهاحقيب الغنضفريالعزيه =سجل التاريخ حكم المعجزاتي
سجل التاريخ حنا الأفضليه=وهجدوياقوم عزى والمناتي
يسجد الطاغي على رغمه وحيه=يسلم الكافرويسجد للصلاتي
والجيوش إتهوش والعزوه قويه= إهجدوياقوم جالوت الغواتي
من يكابرنا على حوض المنيه=يستجن الجان من هول الرزاتي
حن بني مضيم الرواسي الرسيه=والعواصف والرياح العاتياتي
نفخة الصورالصعق نارصليه=والرياح العاتيات الذارياتي
قوم عاد إرم العماد اليعربيه=كنهم اعجازنخل خاوياتي
والقبايل عهد حكم الجاهليه=قبل توحيد الجزيره جالياتي
شيخنا هادي ولاهي بمغميه =ناصرالدعوه على حق وثباتي
وبن هادي حاكم النجد العذيه= قبل توطيد الشريعه والقضاتي
ياخذالجزيه وله حق الجزيه=برهني يحكامنا رغم الطغاتي
من يكابرنا تحت خف المطيه=والعذرأشكل بعد تحت الوطاتي
والقبايل من شعوب ومن نحيه=محتمين حدودهم بية جهاتي
أقسم الله بالحروف الأبجديه=والرياح المرسله ولعادياتي
عاصي الشعراء العلياني


الرجوع الى أعلى الصفحة اذهب الى الأسفل
 
(إقحطان التاج عزي ننزح الجمـع وينزي)
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
شبكة حصاة قحطان :: مــجــــالـــــس ال عـــــلـــيــــان , والـــــــشــــعـــــراء :: مجلس الشاعـر عبدالله فراج العلياني-
انتقل الى: